Aizawl: ZPM Legislature Party Secretary Dr. Vanlalthlana’n, “Corruption do ngam sorkar, dan bawhchhiate hrem ngam sorkar, kalphung thar sorkar kan din tur a ni,” tiin, “Corruption kan do ngam dawn lo a niha dan bawhchhiate kan hrem ngam dawn lo a nih chuan ZPM party-a ka awm reng chhan tur ka hre lo,” a ti.
Nimina ZPM party chhung inkhawmah he thu hi a sawi a. “Zu dova tha kan thawh ang tluk hian pawl tinte hi corruption dovin thawk chhuak ila, ram siam \hat bul\anna atan chu chu a pawimawh ber a ni,” a ti bawk.
Dr. Vanlalthlana chuan corruption leh induhsakna uchuak chu a tak taka do a \ul thu sawiin, “Corruption leh induhsakna uchuak natna kan vei mek avang hian beidawng tur kan ni lo va, chutiang tih chingte kutah chuan thuneihna kan dah loh ngam a ngai,” a ti a. Mizoramah dikna duhtu mi \ha tam tak an awm thu leh party bik sawi lova ram siam \hat duh tak takna a\ang chauha ram a siam \hat theih thu a sawi.
Corruption chuan mi tin a nghawng tih sawiin, Dr. Vanlalthlana chuan, “Rethei ngai an rethei ngat ngat a, hausa an hausa tawlh tawlh thung; mahse, kan ram hi vote hmangin kalphung thar sorkar hnuaiah siam \hat theih a ni,” a ti bawk.