Pakistani eptu hruaitute chuan Prime Minister Imran Khan-a chu an ram sum leh pai leh eibar a enkawl danah tihfuh loh tam tak a nei tia sawiin parliament-ah amah rintawk lohna (no-confidence) motion an pu lut.
Rorelna inah hian he motion hi Ningani a\ang hian sawiho a ni dawn a, ni sarih chhunga vote thlak tur a ni ang.
Ram rorelna in hniam zawk, National Assembly-a eptu leader Shehbaz Sharif chuan Khan-a laka no-confidence motion hi Thawh\anni khan a pu lut a ni.
TV-a rorel inkhawm live-a tihchhuahah Sharif-a chuan, “Prime minister hian he rorelna ina amah kan buk hnuah chuan a pisa a chhuahsan nghal ang,” a ti.
Eptu party hrang hrang \angrual, Pakistan Democratic Movement an tihte chuan Khan-a kaihhruaina hnuaia \angrualte chu pawh phel tumin an bei a, \henkhat chuan kalsan an tum mek bawk.
Eptute hian member 342 awmna rorelna inah Khan-a sorkar paih thla turin vote 172 an hmuh a ngai tih an sawi.
Chawlhkar eng emaw zat liam ta a\anga eptuten Khan-a hi an ringtawk tawh lo a ni tih lantir an tum tih sawi a awm a\angin Pakistan-a politics-ah hian inbeihna a nasa hle a. Khan-a tan pawh tun hi politics-a hun a hman tawh chhunga chona lian ber pakhat a tling.
Thawh\annia a kaihhruai sorkar laka rintawk lohna thu put luh a nih hma ni chiah hian Khan-a hian vantlang inkhawmah hmangin an rintawk lohna put luh tum chu a kaihhruai party, Pakistan Tehreek-e-Insaf (PTI) leh an thawhpuite nen an hneh dawn niin a sawi.
Khan-a’n Pathiannia vantlang inkhawm a koh chhan let nan hian eptu \angrualte chuan Islamabad khawpuiah sorkar duhkhawp lohna kawngzawh huaihawt vein mi sang tel an tel.
Eptute leh an ram politics hre chiangtute chuan prime minister hi an ram sipaite nen \anghovin thuneihna a pe sang lutuk niin an ngai a, sipaite hi roreltu ni mai thei dinhmunah an ding niin an ngai a. Hei hi Khan-a leh sipaite chuan an pha thung.
Khan-a hian a elpuite chuan ram dang a\anga puihna an hmuh hmanga hna an thawhte hmang \angkaia amah phiara a sorkar paih thlak an tum niin a puh let.
China hi Pakistan ram puitu langsar ber niin hman ata tawh khawthlang ramte nen pawh an inkawmngeih viau tho va. Hei vang hian UN General Assembly-a Russia-in Ukraine a rûn mek chungchangah ngaihdan lakah pawh a hai a ni.
Khan-a a dingchang thei dawn em?
Khan-a sorkar thlawptu legislator pali chuan an chhuahsan thar leh tawh a, eptute belhchhahtu an ni dawn.
Kum 69 mi, an national cricket team captain hlui, Khan-a hi kum 2018 khan thlan tlin niin thlawptu 172 neih ngaiah 176 a nei.
A hnu lamah mi 20 dawnin rorel lai party an thlawpna hnukdawk tawhin a tanrualpuite nena an inkarah pawh khi neuh neuh a awm chho reng a tunah hian thlawptu 172 chiah chiah la neiin thuneihna a la chang hram.
“Imran Khan-a sorkar paih thla turin kan che dawn,” tiin eptu hruaitu lawk ber, Pakistan People’s Party-a an hruaitu, Bilawal Bhutto Zardari chuan a sawi.
Hetih lai hian Interior Minister Sheikh Rashid Ahmed chuan no-confidence motion chu an hneh ngei dawn tih a sawi.
Sorkar hian dingchang tur chuan province lian ber, Punjab-ah chief minister an ruat a ngai a, hei pawh an thawhpui zinga mi an ruat a ngai.
Hetih lai hian rorel lai lama tang thin party pakhat chuan eptute zawm an tum a, heti a nih chuan vote 168 chauh an nei dawn tihna a ni.