Sorkar laipui hotulu hrang hrangte dawrin nimin khan Health Minister Dr R Lalthangliana chuan Mizoram mamawh hrang hrang a thlen.
Health Minister hian Ayush, Shipping & Waterways Minister Sarbananda Sonowal chu a pisa-ah kawmin, tunhnaia Mizorama a lokal a, Ayush hospital leh thildang dinna tur atana lungphum a rawn phum chu tihlawhtling rang turin a ngen nawn leh a, hemi chungchang hi hun reilote chhunga chinfel thuai an inbeisei thu Union Minister hian a lo hrilh a ni.
Union Minister hnenah hian \henawm ram Bangladesh nena insumdawn tawnna atan leh zin veivahna atana mipui nawlpuiin an hman \angkai theihna tur Darzokai-Kawlchaw (Chhimtuipui) leh Khawthlangtuipui, Bangladesh ramri dep a awm chu mihring leh bungraw phur theihna lawng chi khat – River Cruise Vessel project a siam turin thlen bawk.
Nimin vek khan Ministry of Education Secretary (Higher Education) K. Sanjay Murthy leh Addl Secretary (Higher Education) Vineet Joshi te leh official dangte kawm bawkin, Mizoram University Southern Campus chu a rang thei ang bera kalpui turin a ngen nawn leh a. RUSA hnuaia zirtirtu (Asst Professor) mi 70 te hlawh, April 2021 a\anga la sanction loh a ngaimawh thu a thlen nawn a ni.
Hei bakah hian, National Institute Technology (NIT), Lengpui a kum engemawzat kal ta a bul\an, vawiin ni thlenga harsatna kawng hrang hrang avanga hmalakna khaihlak rei lutuk chungchang a thlen chu, awmze neia a kal theih thuai an beisei thu Minister hi an lo hrilh a ni.
Health Minister hian H&FW Ministry tlawhin Economic Adviser (NHM) Indrani Kaushal leh official dangte a kawm bawk a, Mizoramin a mamawhna a san em avangin NHM second instalment cheng vaibelchhe 40 tal a rang thei ang bera release turin a ngen nawn leh a, hei bakah hian PM-ABHIM account chu a rang thei ang bera rawn release vat turin a ngen.
UNICEF-in ICMR kaltlanga RTPCR khawl pariat (8) an pek tur chu April 1, 2022 hian Zoram Medical College, Aizawl, thleng hman vek turin rawn thawn an tum a, an inruahman mek tih an lo hrilh a ni.
Dr R Lalthangliana hian Dr. Vinod K. Paul, Adviser (NE), Niti Aayog chu a pisa ah kawmin, Civil Hospital, Aizawl tana Nephrology Department dinna tur leh Civil Hospital tana theihtawp chhuah a \an a lo lak \hin tawhnaah lawmthu a hrilh a. Dr. Vinod hian Boeing India-in CSR Fund kaltlanga MRI khawl Rs. 6-7 crore man inkar an pek tur pawh ruahmanna peihfel \ep a nih thu a lo hrilh a ni.