Seat 30 aia tlem lo kan la ang : Zorama
|| Congress kunga lawn duh an awm tawh lo va, a lawn chhun pawh an chhuk zo tep tawh

Aizawl: Sorkar lai kaihruaitu, Zoramthanga’n inthlanpui awm leh turah pawh an chak leh ngei dawn a, seat 30 aia tlem lo an lak ngei tur thu a sawi.
MNF President Zoramthanga chuan he thu hi nimina Tlabunga Lichenga MNF zawm thar leh Tlabung RD Block thar puanna hun a hmanpuinaah a sawi a, kum 2023-a MLA inthlanpui lo awm turah MNF-in seat 30 aia tlem lo an lak ngei tur thu a sawi rualin Congress party an tlakchhiat nasat thu leh Tlabung bial chu Congress-in tlin an inbeiseina bial awmchhun a ni tih a sawi.
Tlabung chu MNF chhiatna \hin ni mah se Lok Sabha MP inthlan a\ang khan an \hatna ber bialah an siam chho tawh tiin, “He bialah hian MNF-in chakna kan chan hlauh chuan Zoram pumah Congress hian seat an hloh vek theiin a rinawm,” a ti.
Party inkhawma a lo sawi fo tawh \hin angin Congress party chhiat chhoh dan chu Tlabungah pawh a sawi chhuak leh a, “Central, north east leh Mizoramah ngei pawh Congress kunga lawn duh an awm tawh lo va, a lawn chhun pawh an chhuk zo \ep tawh,” a ti a; Congress khaidingtupa ber \hin, Lalthanhawla pawhin a chawlhsan tawh, ral lam pan mek niin a sawi a ni.
Tlabung chu tun hma a\ang tawha hmun pawimawh leh \angkai \hin a ni tih sawiin, Khawthlangtuipui kaltlangin India ram hmun hla zawka bungruate man tlawm zawka chawk luh theih a nih thu a sawi a, Kawrpui lui kâna lei dawhkai tuma hmalak a nih thu leh, Kawrpuichhuahah lawng a thlen theihna turin a hmunhma buaipui mek a nih thu a sawi.
Sorkar laipui a\anga capital expenditure shastri hnuaia special assistance fund kaltlanga Mizoram sorkarin \anpuina a dawn a\angin Tlabung tan Rs. nuai 400 pek a nih tur thu a sawi a, Tlabunga political party leh khawtlang huap pawl hrang hrangte thil thlen chu a \ul ang zela a tahtawla ngaihtuah zel tum a nih thu a sawi.
RD Minister Lalruatkima pawhin thu sawiin Tlabung chu state tan hmun pawimawh tak a nih thu te, chen zelna atan humhalh a, mipui hmasawnna tur atan RD block-a dah sorkarin pawimawh a tih thu leh, chumi atana hmalak a nih chhoh dan a sawi a. Bawhzui ngai dangte theihtawpa bawhzui zel a nih tur thu a sawi bawk.
West Tuipui Block MNF thupuan tar lan danin nimina an party president leh Mizoram chief minister ni bawkin a lawmluhte hi an zavaiin mi 1,210 an ni a, vantlang inkhawm hi Lunglei HPC Vice Chairman Lawmawma Tochhawngin a thawh khatna leh thawh hnihna a kaihruai a ni.
He inkhawmah hian West Tuipui bialtu MLA Nihar Kanti Chakma leh Lunglei Bawrhsap Kulothungan A te pawhin thu an sawi.
Chief minister hian nimin zing khan Kawrpuichhuah tlawhin, Khawthlang tuipui kaina tur lei dawhna hmun turte a enfiah a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427