Rajasthan Chief Minister Ashok Gehlot chuan BJP chu khawvela political party hausa ber an nih thu leh sum vanna an hre ve lo niin a sawi.
“Pawisa an tithi a, industrialist-te vau betin tunah hian electoral bond an kalpui leh ta a. Supreme Court hian a khap kan beisei a; mahse, an ti si lo. Bond hi vaibelchhe 100 a nih chuan anni hian vaibelchhe 95 an chang a, a bâng ` vaibelchhe 5 chu Congress, CPI, CPM, BSP ten an insem ve chauh \hin. Intluktlanna a awm lohvin engtin nge mipui rorelna hi a chak theih ang?” tiin an state-a Sujangarh (Churu) bial by-election neih tura an party candidate, Manoj Meghwal tana nimina a campaign-naah a sawi.
Congress candidate pathum – Sahara (Bhilwara) a\angin Meghwal leh Gayatri Trivedi leh Rajsamand (Udaipur) biala Tansukh Bohra te chuan nimin khan inthlan chuh turin an hming an pe lut.
Congress hruaitu hlun – Gehlot, AICC general secretary Ajay Maken, state PCC chief Govind Singh leh deputy chief minister ni \hin, Sachin Pilot te chu chopper-a kalin an \awiawm \heuh va, bial pathumah hian vantlang inkhawmah hun an hmang.
Chief Minister Gehlot hian lo neitute thil ngiat kal mek pawh sawiin, “BJP hian lo neitute malsawmna changin Parliament-ah a tam ber nihna an hauh va; mahse, an duh zawng an ngaihthlaksak leh duh si lo va, an chet dan hi a rawng hle a ni,” a ti a. Sorkar laipui chu lo neitute leh eptu party-te biaa lo neitute lungawi lohna ching fel turin a phut nghal bawk.
Rajasthan-a assembly bial thum inthlan hi April 17 hian neih tur niin zing dar 7:00 a\anga tlai dar 6:00 thleng vote a thlak theih dawn a. May 2-ah vote thlak a ni ang.