Aizawl: Thenzawla AH&Vety department-in Zokhawthar a\anga Thenzawla vawk phurh luh tum chu phalna engmah an neih loh avangin vawkte hi an phurh lettir leh a ni.
An thudawn bawhzuiin Thenzawla Vety department hotute chuan, Champhai district Zokhawthar a\anga vawk phurhte hi Thenzawl luh hma, Tourist Lodge bulah lo tidingin an endik a. Vawk phurtute hian sorkar thupek anga department a\anga vawk lakluh phalna lehkha engmah an neih loh avangin vawkte hi an phurh lettir leh a ni.
Hetih lai hian vawk phurtute hian vawk neitu, Zokhawthara mi pathumin an vawk vulh lai ngei a ni tih pawmpuina lehkha, Zokhawthar VCP-in a hming ziakhnan a, seal a chhut hnan lehkha chauh an nei thung.
Vawk phurh luh tum te hi vawk talh rual tawh 13 zet niin, heng vawkte hi 407 truck-a phurh an ni a. Thenzawla miten khaw khaw chhunga talh tura Zokhawthar a\anga an chah nia thudawn a ni.
Thenzawl-a Veterinary Officer Dr. Lalmuanpuia Samte chuan sorkar thupekah district pawn leh chhung a\anga vawk la lut turten Veterinary Health Certificate leh CSF Vaccination Certificate an neih a ngai a, tuna vawk phurtu te hian VC hriatpuina lehkha chauh an neih avangin, an vawk phurhte hi thawn kirtir leh an nih thu a sawi.
Vawk phurtu lirthei hi Serchhip district, Thenzawl ramri thleng Vety department thawktute hian an thlah nghe nghe a ni.