Central Trade Union-in ram pumah nawrh an huaihawt avangin ni hnih chhung Mizorama filling station-ah tuialhthei hralh chhuahah harsatna awm deuh mah se vawiin a\angin a pangngaiin a kal leh theih tawh beisei a ni.
March 28 leh 29 chhungin Central Trade Union-in nawrh an huaihawt avangin tuialhtheiah harsatna a thlen theih avangin sorkarin tuialhthei hralh chhuahah khuakhirhna a siam a, hemi avang hian tuialhthei mamawhtuten an duh ang thal an lei thei lo a, filling station \henkhatah chuan coupon tel loin tuialhthei a lak theih loh a ni.
The Zozam Times zawhna chhangin All Mizoram Petroleum Dealers’ Association (AMPEDA) President K Lalnghakliana chuan ni hnih chhung Mizoramah tuialhthei phurh luh a nih loh avangin filling station-ah hralh chhuah tur a khaihlak deuh tih a sawi.
Hetihlai hian ram puma nawrhna hi tihtawp a nih tawh avangin tuialhthei phurh luh pawh a pangngai leh vat dawn tih a sawi a, Ningani tukah phurh thlen turte pawh a awm \an a, he harsatna hi chu a reh thuai dawn a, mipui tan chiaina tur a awm lo tih a sawi bawk.