Hun eng emaw chen ngawih a chuh hnu ah Will Smith nupui Jada Pinkett Smith chuan a kâ a âng ta a, tumah dem hran lovin, ‘Tun hi damna hun pawi-mawh a ni,’ a ti.
Oscar award sem zana tharum thawhna thleng khan nghawng leh sawhkhawk a nei na hle a, chutih rualin, a pasal chet-chhuahna chhan ber ni bawk hian tawngkam a thluai thlum duah lo thung.
Instagram lamah tawi fel takin, ‘Tun hi damna hun pawimawh a ni a, keiawh hetah hian ka awm e’ tiin fel fai takin a ziak.
Hetih lai hian, na taka ben tuar Chri Rock boruak a sosang zui hle a, a tha zawngin a ni thung. Comedy Show a neih turah ticket inchan lohna nasa tak a thleng a, ticket man ni se, $46 ni thin chu tunah hian $411 ah a kai dawr mai a, a thupuangtu chuan Boston khawpuia zanina show neih tur chu ticket inchan lohna leh ticket chan loh hlauhna boruak a sosang hle, niin a sawi.
Ngaihdam dilna
Oscar sem zawh taka comedian Chris Rock a ben chung-changah Will Smith-a’n ngaihdam a dil. Huang pela a chetna vanga zahthlak ngawih ngawih a tih thu thlengin, a sawi.
“Chris, tlang hriatah ngaihdam ka dil duh che. Ka huang ka pel a, ka tisual a ni. Ka zak ngawih ngawih a, ka thil tih kha keimaha nih ka lo tum dan nen a inpersan hle mai. Hmangaihna leh lainatna khawvelah hian tharum thawhna reng rengin hmun a chang tur a ni lovang.
“Tharum thawhna reng reng hi a hlauhawm a, chhiatna a thlen thin. Nizana Academy Awareds-a ka khawsak dan kha pawm theih a ni lova, chhuanlam tling a ni lo. Fiamthu inthawhkhum te chu kan chan ve reng tur ni mah se, ka naupui dam lohna chung-changah kha chuan ka tan tawrh thiam a har ve em bawk a, ka rilru ka kalpui ta mai a ni,” tiin Smith hian a sawi.
Comedian Chris Rock a ben chungchangah Acamdey hnenah pawh ngaihdam a dil.
“Academy, show producer te leh kalkhawm zawng zawngte bakah khawvel hmun hrang hrang atanga thlirtu zawng zawng hnenah ngaihdam ka dil duh. Williams Family leh king Richard Family te chungah pawh.. Kan zaivai tana zinkawng ropui tak mai ni turah ka khawsak dan kha a tihmelhem ta vek si a ni. Hmasawn zel ka tum e,” tiin thupha-chawina a nei.
A mak a nâ
Tarlan tawh angin, dawhsan atanga a nupui lu kawlh chu fiamthu ti tak deuha a kah vanga lungawi lo chuan a thutna atanga tho chhuakin a han beng ta a ni. Will Smith-a nupui Jada Parinketh Smith hian sam lama harsatna lian tak, Alopecia an tih mai vangin a sam a tla fai vek. A nupui thlavang hauhin tharum a thawh ta mai a ni.
A thutna lama a chhuk hnu ah pawh, “I kâ bawlhhlawh atang khan ka nupui hming hi chhakchhuak tawh suh ang che,” tiin a deng zui nghe nghe a ni.