Aizawl : TC. Jonunsanga Rambuai Novel ziak -Zonunsangi- tih chu nimin khan Minister C. Lalrinsanga’n Arts & Culture heritage centre, Lungleiah a tlangzarh.
Lehkhabu thar tlang- zarhtu minister chuan -Zonunsangi- chu rambuai kara Mizo nunze mawi lanna a nih avangin a hlu tih a sawi a. Thangthar lo la awm zel tur tan leh- khabu tangkai tak a nih a beisei thu a sawi.
C Lalrinsanga chuan Mizovin thil hlui sulhnu hlui kan nei tam lo pawi a tih thu sawiin, Mizo culture leh tradition te ziaka dahthat hlu a tih thu a sawi a. Lehkhabu tha ziak tur chuan tha leh zung tam tak sen a tul thu sawiin, he lehkhabu ziaktu TC. Jonunsanga pawhin harsatna tamtak a paltlang ngei a rin thu a sawi bawk.
Phek 400 chuang -Zonunsangi- hi V. Rokhawl- kima’n sawizauvin, sawm bik mi engemawzatin thu an sawi bawk a ni.