BTS-in khawvel an tuam chhuak a, an hla te’n chart record thar an siam chho zut zut a, Korean boy band hlawhtling ber an nih theihna tura enkawltu HYBE chu TIME magazine ‘100 Most Influential Companies’ list-ah an lengleh ta.
Tu khawhra mahin an hriat loh atanga rimawi khawvela musci label lar ber zinga invawrh chho ta hi a tirah Big Hit Entertainment hming a pu a, tunah kum hnih zawnin Time Magazine-in khaw-vela company hu-hang ngah ber a thlanchhuah 100 zingah an lang nawn.
Time chuan, ‘Hripui vanga khawvel a tawmim karah BTS an hnung tawlh ve lova, an ding chhuak tho. Heti taka an hlawhtlinna phena nawrkaltu leh kaihruaitu company hi an nep thei lo hrim hrim,’ a ti.
Kum 2005 khan Bang Si-hyunk chuan Big Hit Entertaiment company dinin, harsa takin bul a tan a, 2020 a lo thlen meuh chuan Korean exchange-a HYBE hlutna hi $Billion 9.5 a ni ta reng mai.
Time-in a sawi zelnaah, HYBE hi record label emaw management company a i ngawt lova, HYBE hmathlir hi a huaisenin, an tumah an chiang viau mai, a ti bawk.
HYBE hotupa Bang chuan Seoul khawpui atangin, ‘Kan tum ber chu khawvela entertainment lifestyle platform hmahruaitu nih hi a ni a, rimawi hi kan innghahna lungphum a ni,’ a ti ve bawk.