Transport Minister TJ Lalnuntluanga chuan Tripura leh Mizoram inkara ‘Hnam Inpumkhatna Bus’ tlan tur chungchanga inrawnkhawmna neihah Zampui tlangdunga Mizoram State Transport bus tlan mai tura ruahman fel a ni chu lawmawm a tih thu a sawi.
March 30, 2022 khan Eden Tourist Lodge, Vanghmun, Zampui, Tripura-ah ‘Hnam Inpumkhatna Bus’ tlan dan tur chungchangah tlawmngai pawl leh zirlai pawl hrang hrangte chu an inrawnkhawm a. He hunah thu sawiin TJ Lalnuntluanga chuan, “Kan sorkar tirh phat a\angin bus service turin kan inbuatsaih a, hmun hrang hranga Zofate leh kan Jerusalem Aizawl inkar hi hnai se kan duh a ni,” a ti.
Tripura leh Mizoram inkara MST bus tlantir tur hian harsatna hrang hrang karah theihtawp an chhuah mek zel tih sawiin, “Hmun hrang hranga nationalist-te kan phur tlang a, pheikhai rual taka pe penpui atan chhak, thlang, chhim leh hmara Zofate sawmin, Pathian zarah hlawhtlin ngei a rin tlat thu a sawi.
Aizawl-Jampui inkar MST bus tlantir tur neih theih a nih chhan chu Chief Minister Zoramthanga’n a ngaih pawimawhsak vang tih a sawi a. “Zofa, Zoram pawna mite hian ngaihsaktu in nei a, hmangaiha duhsaktu che u in nei a ni tih inhriat kan duh a. Zofa \hendarha awmte tan he Pu Zoramthanga sorkar hi a ding tlat zel dawn a ni,” a ti.
Inrawnkhawmnaah hian Transport Minister bakah R Lalngheta, President, Central YMA; Lalnunmawia Pautu, President, MZP; J Lalmuanzuala, President, MSU; L Ramdinliana Renthlei ZORO |halai President; Lalrawntlinga Sailo, President, Mizo Convention; Lalnunfima, President, Tripura Group YMA President-te pawhin thu an sawi a. Er R Lalrammawia, Director Transport Department-in report a pe bawk.
Transport Minister hian nimin khan Tlangsang, Zampui-a hnam martar Corporal Vanlalchhuanga Hnamte thlanah zahna pangpar a dah a. Zampui tlangdung a fang nghal bawk a ni.