Aizawl : Lunglei district task force on immunization chu nim- in khan an chairman, Lunglei bawrhsap Kulothungan hovin an thutkhawm a. Intensified mission indradhanush (IMI) 4.0 leh COVID19 vaccine chungchang thlirletin, Rulhut do ni (national deworming day) hman dan tur an sawiho.
IMI 4.0 2nd round-ah naupang vaccine pek tur target 114 ah 114 (100%) niin, nu, naupai vaccine pek tur zat target 12 ah 14 (116.67%) a ni a, IMI 4.0 2nd round, April ni 4, 2022 atanga pek tur hi khaw 38-ah kum 2 hnuailam 128 leh nu naupai 11 te an ni.
Lunglei district-a COVID19 vaccine pek dan – 1st dose 113652, 2nd dose 93682 leh precaution dose 4677, a vaiin 212011 pekchhuah a ni tawh tih sor- kar thuchhuah chuan a tarlang a. Lunglei district-a kum 12-14 COVID19 vaccine pek tur target 6041 a nih thu tarlan a ni bawk.
August – October, 2021 chhungin Lunglei dist-a kum 1-19 mi 52787 te hnenah rulhut hlo pek a ni a. National deworming day 2022 chu April ni 20-ah school leh Anganwadi centre bakah school leh Anganwadi centre a kallo pawh kum 1-19 inkar te rulhut hlo pek tum a ni. Hemi ni a eilote chuan MOP up day April ni 26-ah an ei thei dawn tih sorkar thuchhuah chuan a tarlang.