Liverpool chu Scottish club Celtic a\angin kum 16 mi winger beiseiawm Ben Doak lakluh inchuhnaah an hlawhtling a. Merseyside lamah rawlthar fak hlawh a insawn.
Scotland U17 international hian medical a nei fel tawh a, club lian dangte pawhin ngaihven mahse Liverpool a khelh a thlang.
Tun kar khan Georgia nen an inkhelh \umin Scotland Under-17 tan hattrick a siam a, club academy a zawm nghal anga, season tharah chauh first team tan erawh a inkhel thei ang.
Celtic academy chhuak Doak hi November thla a kum 17 tling tur chauh nimahsela January thla khan first team tan a inkhel tawh a. Dundee United leh Celtic hmelma Rangers lakah inkhel a hmachhawn tawh.
Celtic hian kum 17 a tlin hunah professional contract ziahpui turin inbiakna neihpui mahse Liverpool an lan hnuah Anfield pan a thlang a. Chelsea leh Leeds United pawhin an ngaihven.
Doak hian professional contract a la ziah loh avangin Liverpool hian Celtic hnenah hian Pound 600,000 vel bawr ‘compensation’ an pe ang.