BJP chu India-a rorelna in sang, Rajya Sabha-ah kum 1990 hnu lama member 100 nei tling leh hmasa ber party an ni ta a. Ningania Assam, Tripura leh Nagaland-a seat khat \heuh inthlanah hnehna changin he thil hi an puitlin.
State paruka Rajya Sabha bial 13 inthlanah BJP hian an chakna \hin, Punjab-ah bial hloh mah se hmarchhak state pathum leh Himachal Pradesh bial hnihah an chak a. Heng an chakna hi term liam taa eptu bial bek a ni.
Punjab-ah hian rorel lai, Aam Aadmi Party chuan bial ngaah hnehna an chang vek.
Rajya Sabha website chuan inthlan result kimchang la tar chhuak lo mah se BJP hian member 100 a nei dawn ta a ni.
BJP hian member 245 awmna rorelna inah hian tam ber nihna la hauh lo mah se Prime Minister Narendra Modi-a kaihhruaina hnuaiah rorelna in hniam zawk, Lok Sabha-ah kum 2014 a\angin ro an rel chinah a sang zawkah pawh hma an sawn.
Kum 2014 khan Rajya Sabha MP 55 chauh la nei mah se tunah chuan a let deuhthaw an ni tawh a ni.
Rorelna in sanga party malin member 100 a neih tlin hnuhnung ber chu kum 1990-a khatih laia rorel lai, Congress-in 108 an nei kha a ni a. A hnu lawka inthlanah 99-ah tla zuiin state-a an rorelna an chân zel avangin an hniam zel a, kum 2014 a\ang phei chuan BJP an lian ta hle.
Saffron party-in MP an neih zat hi a la danglam leh thuai rin a ni a. Bial 52 inthlan hmabak la awmin state \henkhat zingah Andhra Pradesh, Chhattisgarh, Maharashtra, Rajasthan leh Jharkhand-ah mi dang an tlin rin a ni hlawm.
Hetih mek lai hian Uttar Pradesh-a bial 11 inthlan hmabakah bial riat tal an lak rin a ni a. He state-a Rajya Sabha chawl tur 11 zinga panga hi BJP an ni mek bawk.