Aizawl: Tuiriala nimbu tui sawngbawlna hmun, Turiala Self Help Group (SHG)-te \ang khawmin an din, Tuirial Lemon Processing Unit chu nimin khan Rural Development Minister Lalruatkima’n a hawng.
Tuiriala nimbu tui sawngbawlna hmun hi Mizoram State Rural Livelihoods Mission (MzSRLM) \anpuinaa tharthawh leha din niin, he hmun a\anga nimbu tui zawrh chhuah tura an siam, ‘Zobawm Nimbu Tui’ chu RD minister hian a tlangzarh nghal bawk.
RD minster chuan SHG-te enkawl tur lemon processing unit chu Tuirial khawtlang tan bung thar kaina leh SHG member-te tan hmasawnna rahbi an chuan kaina tur nia a ngaih thu a sawi a. SHG member-te chu a enkawl kawnga theihtawpa \an la turin a fuih.
Lalruatkima chuan sorkarin a flagship programme SEDP-ah hetianga hmalaknate leh a dangte pawh changtlung zawka kalpui a nih theihna atan theihtawp a chhuah thu sawiin, mi harsa leh retheite tan sorkar chu a ding a, a la ding zel dawn niin a sawi.
RD minister chuan MzSRLM hmalakna hrang hrang hmangin thingtlang hmun tam taka mipuiten lei rem an raha eizawnna ngelnghet an neih theihna tur kawng dap a nih thu a sawi a. Sorkarin SHG \hanlen zelna tur leh hma an sawn zel theihna tura theihtawp a chhuah zel thu sawiin, “Kum 2019 January a\anga 2022 January chhung khan community investment fund ringawt pawh Rs. nuai 7,825.09 VO (Village Organisation)-ah pek a ni,” a ti bawk.