Ram roreltute enchhin chi a ni lo : LDCC Vice President

aIZAWL: Lunglei District Congress Committee (LDCC) Vice President KL Chhawnzauva chuan ram roreltute hi en chhin chi a nih loh thu a sawi.
Thingtlang tlawh programme an kalpui mekah nimin khan LDCC hruaitute chuan Mualcheng ‘S’ an tlawh a. He hunah thu sawiin LDCC Vice President KL Chhawnzauva chuan ram roreltute hi en chhin chi an nih loh thu a sawiin, “Chuvangin, chhin ve hrim hrim ila tia mipui sawm hi a ball a mawl tak zet a ni. Kan hruaitu atana kan zawrhte hi an hnathawh tawh leh an sulhnu te kan chhui chian peih a ngai a. Mi rinawm, dik leh belhchian dawl hruaina hnuaiah kan ram rorelna hi kan dah a \ul a ni,” a ti.
KL Chhawnzauva chuan ram rorelna hi duhkhawp lohna lian tak a awm mek tih a sawi a. Ram rorelna siam \hat dan tur lam ngaihtuah lo a, beidawnga \hut ringawt chuan chhiat leh zualna bak hmabak a awm lo tih a sawi.
Budget chungchang sawiin, “Budget chu eng anga \ha pawhin siamin pharh \hin mah ila, dik leh lang tlang taka hman a nih leh si loh chuan a \ha tluan tling tak tak thei lo a. Sawi thiam aiin a taka thawktu kan mamawh zawk,” a ti a. Mipuite retheihnaa rethei ve lo leh mipuite natnaa na ve phak tawh lo hruaitu neih hi vanduaithlak a tih thu a sawi bawk.
LDCC Vice President hian Congress party in ‘|hat loh theih lohna bawm’ an sawi hi \hat tum duh reng reng lo te chuan sawiselna an zawng a, ‘a ni leh chuang lo ang’ tiin \an hmun an siam luih tlat mite hi ram leh hnam \hat aia, mahni hmakhua chauh ngai tute an nih thu a sawi bawk a ni.
He hunah hian LDCC General Secretaty pahnih Laltlankima Pautu leh Biaksiamtluanga bakah Vandailova,, Chairman, Driver Welfare te’n thu an sawi a. LDCC Vice President hi Secretary pathum V. Lalrinsanga, Benjamin-a, Ricky Lalbiakzuala leh PC Lalramhluna, Vice President, Lunglei South Block-1 bakah Lalrammawia, President Lunglei South Block-2 te’n an \awiawm a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427