Consumer Sam:

• Ka message dawn
• Lallunghnema, Charity Lodge

Ka thianpa duh tak Prof.Rualkhuma Colney,tuna Govt Law College Principal ni lai mek hi Mizo tawng intithiam tak mai hi a ni a,kei a thianpa pawh hian RKa hi chu Mizo tawng thiam tak a ni ka ti thin. He Prof.pa bulah hi chuan kan te raih raih thin. Mizo tawng un chungchangah ngat phei hi chuan a lakah hian ka dang hi a awk viau zel a ni. Kum eng emaw zat liam ta khan kaThianpa hnenah hian Consumer Bible ka ziak dawn, ka ti a. Ani hian min lo khap titih der tawh.
Hei tun tumah hian Consumer Sam chang hnih khat lek ka rawn chhawp chhuak a. Lo zir teh u.

1. Bazar a thil ka lei apiangin
   Hawihhawm takin ka awm ang.
   2.Bungrua eng pawh lei dawn Ila,
   A neitute phalna la hmasa lo chuan
   Ka en lovanga,ka khawih hek lovang.
   “Ka pi, khawngaih takin
   hei hi ka lo en thei ang em”?
   ,ka ti hmasa thin ang.
2. Ka duh zawng ka hmuh hma chuan
   Thil ka lei ringawt lovang.
   .4. Bungruaa thuziakte chu
   Ka chhiar hmasa thin ang a,
   Thil siam ni,thla leh kumte,
   Ka en vek phawt ang.
3. Bungraw man zat inziak pawh ka thlir ang.
4. Printed price leh warranty period-te chu,
   Ka en hmaih lovang a,
5. Expiry date inziak phei chu
   Ka chik leh zual ang.
6. Ka tan a hman tlak lo,ei tlak lo,in tlak lo,
   Chhe leh mai tur chu ka pumpelh ngei ang.
7. Smart Customer nih ka tum ang a,
   Dawr neitute tana harsatna siamtu
   Ka ni ngai lovang.
8. Mahse,hei erawh ka vawng reng ang,
   “Dawrkai leh sumdawngte hi ka hlau lovang a,
   Tlangnel taka an dawra leng lutin
   Ka mamawh ka sawi ang a,
   Ka duh ka thlang bawk ang.”
9. Tha taka min lo dawng sawng lo a nih erawh chuan,
   Ka dawr ngai leh tawh lova’ng a,
   12.An thil zawrh ka lei ngai tawh hek lovang.
10. Consumer-te zara khawsa thei ve tawk tawk an nihzia erawh
    Thil tihin ka la entir ngei ang.
    14.Thil leitu leh hmangtute dinmun pawimawhzia hriat chian ka tum ang a,
    15.Theihtawp chhuahin consumer-te tan ka bei ang.
    16.Consumerten an dikna leh an chanvo an hriat theih nan ka thawk ang a,
    17.Consumer Protection Act 2019 -te,
    18.Consumer Protection Rules 2021-te,
11. Legal Metrology Act 2009 &5th 2019-te,
12. LP Gas Control Order 2000-te ,ka theih ang tawkin ka zirtir ang.
13. Consumerte lungawi lohna thawi dam a nih theih nan ka thawk ang a.
    22 .Consumer Commission-ah a tul chuan harsatna neite ka hruai ang..
    Heti zawng hi ni se.Hun remchangah Sam dang kan sawi leh dawn nia.

GAS HOME DELIVERY MAWLH HI!
Thu dang a lai chuan, kan vei em em Aizawl khawpui chhunga Gas Home Delivery tih a nih theih nan Sawrkarin hma lak a tum tak tak ta a , FCS&CA hotuten hma an la mek a ni . Mipuiin lawm takin keimahni Veng theuhvah Sawrkar thuneitute leh Gas Agent-te hi theihtawp chhuahin i lo tawiawm ang u.Kan thatna tur a ni si a, he consumer khawvel khel mual bumro takah hian WhatsAapp message ka dawng cham chi ta mai a.Zawhna a tam ber hial awm e.Lawmna lamte harsatna lamte a ni nual bawk.Ka han chhiartir ang che u.A lawm awm ve em mai!
To
Pu Lunghnema
Consumer Affairs!
Subj: Success on Warranty Claiming
Ka pu,
Ka computer hi November 1.2021 Khan D&K dawr Zarkawtah ka remkhawmtir a.Chutah chuan kar khat pawh a tlin hmain a Motherboardah chiankuan lohna awmin sound a pe chhuak thei lova,chu chu warranty chhunga a la awm avangin min thlaksak a ni.
A hnuah ka computer remkhawm chu thianten min lawmpuiin min rawn ensak a. Reciept-a a inziah ang lo deuhvin SSD min vuahsak hlauh mai a. Chu chu ka thianten I reciept a a dik loh chuan va sawi rawh, min ti a. Consumer Right chuangchang ka hriat loh avangin ka Pu chuan Pu Lallunghnema,Consumer Right hria va be rawh min ti a.T hil awmdan sawifiahin a kalhmang leh awmzia Pu Hnema’n min hrilhfiah angin ka va complaint leh a.Anni chuan an tihsual tak liau liau a ni tiin SATA SSD a aia sang zawk SSD M2 SATA SSD pangngai aia to mah ni se ,thlaksakmin huam a.Vanneihthlak tak maiin ka motherboard hmanlai hian SSD m2 chu mil lovin a aia sang leh man to mah zawk SSD M2NVMe chu a man belhna ngai lovin a thlawn Ang liau liauvin min lo vuahsak ta a ni.
He Dan kal hmang ka hriat lohna ka rawn be che a,thil awmzia min hrilh hriat avangin ka lawmin ka hlawhtling bawk a.Ka lawm em em a ni.
AbbeYah Hnamte,
Hope Lodge,Khatla
Hetiang vel hi a ni e. Hei hi ka han sawi a, ka sawi chhuak fo ta mai.Kan service chhuanawm lo te te hi kan thup thei lo a nih hi!Min ti phur a,Sap tawngin feed back kan tih thin kha min pe a ni.Tun hnai te hian hlawh dawng tha lo ho hian min pun ta zauh zauh mai.Consumer case ni chiah lo pawh kan buaipui zel mai ang. A tul phawt chuan !!
Hlawhfa leh awmpuite hlawh pe tha duh lo mi lian intiho hi an huatthlala hle. Dawrkai leh thilzuar pamham ho hi mipui nun tihrehawmtu an ni.
I thil leinaah leh mi tha leh zung i hmanna a, harsatna i neih chuan min lo hrilh thin ta che . Kan lo pui thin ang che a,mahse,a hlawhtlinna chu nangmahah a innghat tih hria ang che.