- Dr. C. Biakmawia, Director
Bethesda Hospital
Naupang lamah zunkawng infection hi kan hmu zing ta hle a. Nu leh pa leh naupang enkawltuten lo ngaihven thei sela. Zunkawng hnai/lâwng hi naupang leh la tawngtheilo te pawhin an vei thin a. A lan dan a inang diak diak thei lova, a hnuaia mi anga naupang an awm chuan Doctor entir a tha ber.
- Chaw an ei that lohvin.
- An tlei lohvin.
- An than that lohvin.
- Pumna an neihin.
- Zun zing leh zun cheh a reh
loh emaw, an neih thar
lehin. - Khawsik-tlun an neihin.
- Zun an hreh viau emaw,
zun laia an \ahin.
Naupang/nausen zun exam tur a ni a. Zun hi darkar hnih chhunga test (exam) tur a ni. A hma tlai emaw, a hma zana zun emaw chu a tukah exam tlak a ni tawh lo, natna hrik a lo inthlahpun hman tawh thin avangin. Zun result-ah pus cells (infection) a awm chuan antibiotics pek tur a ni a. Chawlhkar hnih tal ei hnuah
zun exam leh tur a ni. Zunkawng infection hi Sap tawngin Urinary Tract Infection (UTI) tia hriat a ni a. UTI hi nausen pawmlaite pawhin an vei thei.
Thenkhatin Diaper hren vangah te an puh a, diaper hreng lo pawhin an vei tho.
Natna reng reng, Malaria, Pneumonia te pawh vei nawn theih a ni. Kum khat an nih laia UTI enkawl dam, kum 5 an nih a an vei nawn leh avang a chhungten enkawln a tha dawng lo nia an inngai thin hi a buaithlak deuh, an vei nawn leh a ni zawk. Naupang thang tha lo chu UTI vang a ni thei kan tih ang chiah-in UTI enkawl that loh chuan naupang than a titha lo thei a, puitlin hunah kal tha lo a thlen thei thin a ni.
Puitling ang bawkin naupang UTI nei chu tui emaw theitui emaw intam tir a tha a. Zuncheh rual an nih avangin zing leh chhun lamah pek tam a, tlai leh zanah chuan pek uar loh deuh ni se.
Fur tuihawkin tuihawk luan-kawr a tleuhfai thin ang hian tui in tama zun tam hian zunkawnga natna hrik hi a tleuh fai thei a, antibiotics hnathawh a pui thei a ni.
Mipa hian an phing hnuaiah thal chi khat, phing atanga zun rawn chhuahna pipe “Urethra” tuamtu an neia, Chu chu Prostrate Gland an tih chu a ni. He thal hi mipa bawa a tui siamtu pakhat a ni a.
Mipa chi (sperm) in hmeichhe chhul hmawra acid environment paltlanga chhul chhunga a luh t heihna t ur a puit u pawimawh tak a ni.
He thal hi kum 50 pelh hnuah a lo thang thin a, a thanlen zual deuh chuan urethra a nawr zim a, chu chuan zun lama harsatna a siam fova. Zung chhuak mai thei lo te, zun zawnga san vak vak ngai te, zun zawha farfep te leh, zun ip theih loh te a thlen thin a ni.
A leh dan azirin Drading siam a ni a. Mahse, mihring kan inan loh avangin grade sang, zun lama harsatna nei lem lo te pawh kan awm ve tho.
Harsatna nei nasa an nih chuan zai an ngai fo thin a ni.
Damdawi hmanga enkawl theih an ni bawk. Cancer a insiam thei bawk tih hriat a tha awm e. Chumi hriat chhuah nan chuan Tumor Marker chi khat, Prostrate Specific Antigen an test tir thin a ni.
Prostrate hi zun kawng infection vangin a vung thei bawk. Chutiangah chuan zun lam insawiselna bakah tai zawn (mawngkua leh tilmu inkar) na a siam fo bawk. Sex hman atanga inkai thei natna STD thenkhat hian hetiang natna Prostratitis hi a thlen theih bawk avangin fimkhur a ngai hle bawk a ni.