Second half a Kevin de Bruyne goal khung hmangin Manchester City in hnehna an chang a. An mikhual ten an larpui football khel mahse UEFA Champions League quarter-final first leg-ah 1-0 in an chak.
Etihad Stadium-ah Diego Simeone pawlten ‘Atletico Madrid’ takin football an khel a. An tlarhnung veng tura theihtawp chhuahin an inkhel.
An tumah an chiang a, an hlawhtling tluan teuh bawk. Man City in goal hlauhawm mumal insiam an harsat hle a. Minute 70-naah substitute Phil Foden chuan danglamna siamin Atletico tlarhnung a \hiat hram a, a ball pek duhthusam chu Kevin De Bruyne chuan changin goalkeeper Jan Oblak-a goal-ah a khung.
Inkhel a goal awmchhun avangin Pep Guardiola a lawm a. April 13 a Wanda Metropolitano a an intawn leh hunah hmahruaitu niin a kal dawn.
Danglamna thlentu Foden
Inkhel \an a\angin Atletico tum a chiang. An tlarhnungah defender panga an rem a, Guardiola team in nawr na pawh nise an cho hle.
An hmaah midfielder thawkrim pathum – Marcos Llorente, Koke leh Geoffrey Kondogbia an dah a. An forward pahnih Antoine Griezmann leh Joao Felix-te pawh an tlan let nasa a. City goal aiin an goal an hnaih zawk fo.
Manchester United an hneh dan ang bawkin Atletico zawk counter-attack ah an hlauhawm leh zeuh \hin a. Mahse Foden dah luh a nih hnuah danglamna a siam.
Reinildo ‘nutmeg’ turin a ball khawih thiamzia a chhawr a, De Bruyne-a ball a pek danah a passing dikzia a lang bawk. England midfielder in inkhel a thlak danglam a. Mahse City hian goal khat bak an khung thei chuang lo.
“Team \ha, khelh hautak tak kan hmachhawn a, kan result hi a \ha. An mualah goal khung leh kan tum ang.” tiin Guardiola chuan an chak hnuah a sawi.