BJP Siaha district-in Mara autono- mous district council (MADC) inthlan puan a nih hnu leh model code of conduct pawh hman ngal a nih laiin, Inrinni khan Siaha-a Agriculture office ata- ngin SEDP-Vaimim chi sem a ni tih sawiin, hei hi Election commission zahlohna leh model code of conduct bawhchhiatna a nih thu an sawi a. Election commission-ah leh Mizoram peoples forum-ah comp- laint thehlut tura hma an lak thu an sawi.
BJP Siaha district chuan MNF party chu thuneihna ita mipui retheihna hman tang- kai tum leh SEDP sum sem tur an neih loh vanga thil nepnawi sem ta maiah an puh a. MNF party thil tih dan chu Mara mi- pui zahlohna leh hmuhsitnaa an ngaih thu an sawi.
Ram leh hnam himna leh hmasawnna buaipui mektu awmchhun chu BJP nia sawiin, BJP Siaha district chuan “Central-a BJP sorkar chak tak avang hian Maraland hmakhua thlirin BJP lo chu kan hnam dam- na a awm lo a ni” an ti.
BJP Siaha district chuan “Election commission thuchhuah leh model code of conduct bawhchhetu Siaha-a MNF party te chungah Mizoram state election commission leh Mizoram peoples forum, Siaha te chu action la ngei turin kan phut” an ti bawk a ni.