Pakistan PM Khan paih thlak a ni ta!

Pakistani Prime Minister Imran Khan chu amah rintawk a nih leh nih loh buknaah hnehna a chan zawh tak loh avangin thu a neihna atangin paih a ni ta.
Eptu partu-ten an rintawk tawh loh thu an thehluh atanga ni eng emaw zat liama thil tam tak a thlen hnuah Prime minister bukna vote thlak hi Inrinni zan zanlai pelh (Pathianni zing)-ah neih theih a ni ta a ni.
Khan-a sorkar rintawk lohna hi kar hmasa lama lut tawh kha a ni a; mahse, cricket star hlui hian amah an bukna tur hi dangin parliament pawh thiah zui a ni.
Rorelna ina amah bukna tur dan a nih avang hian eptute chu Supreme Court-ah zualkovin court chuan Khan-a chet dan chu dan lo tiin buk ngei turin thu a titlu a ni.
Eptu hruaitu, Shehbaz Sharif-a chuan Pakistan leh an ram rorelna in chuan a tawpa tawpah chuan ‘thil buaithlak tak a tawh atangin a zalen ta’ tih a sawi a. Thawhtannia prime minister atana thlan chhuah ngei tura ngaih chuan, “Khaw var tur thar an neih tak avangin Pakistani-te ka lawmpui a ni,” tiin Twitter-ah a tar lang bawk.
Parliament-ah an rama rorel tura thlan a nih chuan hun rei tak ata Khan-a nena lo inep tawh, Sharif-a hian October, 2023 thleng ro a rel thei dawn a, hemi hnuah hian inthlan a ni ang.
Sharif-a hi vawi thum lai an ram prime minister lo ni tawh, Nawaz Sharif-a unaupa a ni nghe nghe.
Amah an rintawk lohna put luh a nih hnua a chak zawh tak loh avangin Khan-a hi Pakistani prime minister zinga no-confidence motion paltlang zo lo hmasa ber a ni ta a. Member 342 awmna rorelna inah hian eptute chuan vote 174 hmuin hnehna an chang a ni.
Khan-a thlawptute hian Pathianni zan khan hmun hrang hrangah lungawi lohna lantir an tum nia hriat a ni bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427