Tripura-a eptu party, CPI-M chuan chuan an state-ah dan engmah a awm lo niin an sawi a, sorkar chu na takin an sawisel.
An party rorelna sang, State Committee \hutkhawmah hei hi sawi chhuah niin an state-a thil thleng hrang hrangte an sawiho va. Dan leh thupek kenkawh mumal a awm lo niin an sawi a, COVID-19 avanga an buaina an sawiho bawk.
CPI-M chuan dan leh thupek kenkawhna chu an state-ah chuan a tluchhe vek niin an sawi.
“Tualthah, thih dan pangngai lo, hmeichhe pawngsual leh pawngsual rawn a pung a. May thla bikah ringawt pawh khan tualthahna 24, pawngsual 12 leh thih dan pangngaia thi ni lo 39 a thleng niin sorkar thupuangtu chuan a sawi a. Tualthahna tam tak chu ‘mahnia inthat’ nia sawi a ni bawk,” tiin CPI-M hian an sawi.
“Chief minister-in legislative assembly rorel inkhawmah a tiam chungin mahni ngaihdan fawr taka kalpuia mi beihna te, eptute lam hruaitu leh an mite bakah an aiawhte beihna a thleng nasa em em a ni,” an ti bawk.
CPI-M chuan governor a\angin sorkar nawrna awm mah se chawlhkar li liam ta chhung khan sub-division hrang hrangah inbeihna a thleng nasa niin an sawi bawk.
“Venghim hna thawktuten an ven lai rengin Kamalpur-ah minister chuan vantlang hmuh lai ngeiin CPI-M office a luhchilh a, curfew lai a ni a, hei hian party hruaitu leh party hruaitute chenna in beih a hring a, police lahin he thil thlengah hian tumah man an nei bawk si lo,” an ti bawk.