Aizawl: ZPM party leader Lalduhoma’n, “ZPM chuan kan policy hi kan dinchhuahpui ngama, kan tlakpui ngam bawk a ni,” a ti a. “Kan sorkar chuan party sorkar a ni dawn lo, mipui sorkar a ni dawn,” a ti bawk.
Lengteng biala Pawlrang, Hliappui, Chhawrtui, Puilo, Vancheng, Dulte leh Kawlhlkulh khuate a tlawhnaah heng thu hi Lalduhoma chuan a sawi a. Sorkarin kuthnathawktute a hnungchhawn nia sawiin, “Agriculture department leh agriculture minister chu awm ve bawk mah se ruahmanna leh budget an siamin thingtlang kuthnathawktute min huam ve ngai lo,” tiin, ZPM erawh chuan hlawk zawk leh mumal zawka kuthnathawktuten hna an thawh theihna tura hmalain, kawng an kawhhmuh dawn niin a sawi.
Lalduhoma chuan, “Kan ramah hian ram awl chhawr \angkai loh kan la ngah em em a, hengte hi kan sorkar chuan ‘Zau system’ kan introduce dawn a, chumiah chuan farm village kan din ang a, thlai chin bik kan nei dawn a, chutah chuan electric-te, tui te, school-te kan din anga, kawng \ha tak kan siam dawn bawk,” a ti a. Kum tina lo neih sawn ngai lovin eizawnna ngelnghet an siam dawn nia sawiin, “Kuthnathawk, mi taima tawh phawt chu bâna kaih policy hmangin kan inkai chhuak dawn a ni,” a ti bawk.