Covid-19 leng vanga mipui khuakhirhna thupek kalpui a, sumdawnna a kaltluan hleih theih loh karah taxation department-in chhiah an lak khawm chu sorkar kum hmasa lam aiin Rs vbc 216.92-in a pung.
The Zozam Times zawhna chhangin taxation department hotute chuan sorkar kum liam ta 2021-22 khan chhiah an hmuh tura bituk chu Rs vbc 717.03 a ni a, chhiah an hmuh chu Rs vbc 894.75 niin, an target hi Rs vbc 177.71-in an khum a ni.
Kum 2020-21 khan chhiah chi hrang hrang a\angin Rs vbc 677.83 an hmu a, hemi kum aia 2021-22 chhunga chhiah an lakkhawm a tam zawkna chu Rs vbc 216.92 a ni.
Taxation department hotute chuan chhiah an khawn \hat thu leh kum tira an target chu kum tawp dawnah tihsansak an nih thu an sawi a, sorkar kum bul \an tira an target hmasa chu Rs vbc 650 a ni a, Rs nuai 67 a tihsansakin, target chu Rs vbc 717 a ni tak thu sawiin, khum huphurh viau mah se sorkar kum a tawp meuh chuan an target chu Rs vbc 177.71-in an khum ta tih an sawi.
A tira an inruahman aia tam sum hmuh tur an neih chunga an sum hmuh tur bituk vbc 100 chuanga an khum thei thawktute inpekna vang a nih thu an sawi a, “Kan officer-te an thawkrim hle a, GST return file lote an zawng chhuak a, return file turte an pui bawk a. District capital-a kan officer ten khaw tin fangin hma an la,” an ti.
Sumdawngten chhiah an ngai pawimawh thu taxation department hotute chuan sawi bawkin, hri leng kara sumdawnna a kal tluan loh em em kuma hetianga nasa taka chhiah an lak a pun chhan hi sumdawngte chhiah pek \hat vang a ni tiin, rinawm taka chhiah petu sumdawngte leh sorkar hnathawkte bakah, kawng hrang hranga anmahni puitute chungah lawm thu an sawi.
Taxation department-in chhiah an hmuh Rs vbc 894.75 a\anga State Goods & Services Tax (GST) a\anga an hmuh chu Rs vbc 731.55 a ni a, GST a\anga hmuh a tam ber a ni.