Tunkar tawp lamah cheng vaibelchhe 1000 chuang hmuchhuak turin ‘RRR’ film dinhmun a tha hle a, he dinhmun hi a thleng ngat a nih chuan Indian movie-ah bung thar a keu nghal ang.
Telugu film, ‘RRR’ hi tun dinhmuna India rama film hlawhtling ber pathumna a ni tawh a, Ram Chaaran leh Jr NTR te channa hian box office lamah rorel chhunzawm zelin, Salman Khan film, ‘Bajrangi Bhaijaan’ leh Aamir Khan film, ‘Secret Superstar’ te sum hmuhchhuah a kuum tawh.
‘RRR’ film hi March 25 khan tlangzarh a ni a, khawvelpumpuia sum a hmuhchhuah tawh hi Rs vaibelchhe 969.24 ni tawhin, Aamir Khan film, ‘Dangal’ leh Rajamouli film hit, ‘Baahubali 2’ chiah a pha lo.
Hindi market lamah pawh chetha tak ‘RRR’ hian box office-ah cheng vaibelchhe 214 a hmu hial a, Telugu film-in Hindi market-a a chetthat ber a ni nghe nghe.
He film-a visual work leh acting mawlh mai hi critic leh entu mipui lam pawhin fak tak tein an fak a, sawi hat hat at ling. Bollywood star pahnih Ajay Devgn leh Alia Bhatt te’n Telugu film an chan hmasa ber a lo ni lehzel bawk nen, history duhawm leh chhinchhiahtlak a thleng chho zut zut mai.