Tlak hlauhawm a awm mek, table mawngphah a talbuai tak lakah Manchester United an nung zo lova. Thapui chhuah hleithei lovin 1-0 in Inrinni tlaiah Everton lakah an tlawm.
Goodison Park-ah Everton in hnehna pawimawh tak an chang a. Kar hmasa a Burnley laka an tlawm avangin an tan chak a pawimawh zual a. An mamawh ang result tak an nei.
Merseyside a inkhelah hian Everton in table mawng lama an awm chhan chiang takin a lang a, player malkhai a theihnaah an sang lo zawk tih a lang a, ball an chan tlem bakah ho tak taka hloh an ngah.
An khingpuiten ball chang tam mahse a bak tihngaihna an hriat loh avang erawhin Toffees in inkhel a rei zelah beiseina an nei lian telh telh.
United tan forward Marcus Rashford chuan chance \ha vawi hnih inkhel tir lamah a nei a, minute 27-naah Everton zawkin goal khungin Anthony Gordon goal shoot chu United captain Harry Maguire chuan a dang pial a. Everton in goal an khung.
An tlawm avangin United tan UEFA Champions League beiseina a ral tluk a ni tawh a. An coach Ralf Rangnick chuan, “Khatianga kan inkhel a zel a nih kha chuan UCL a khelh hi kan phu lo.”
“Player te hian heng inelna te hi an khel chak tur a ni a, Europe a tling tur chuan minute 95 chhungin kan chungnunna inkhelah goal kan khung tur a ni.” tiin an khel\ha lo tih a sawi.
Inkhel dangah Arsenal an tlawm nawn leh a. Brighton & Hove Albion in 2-1 in Emirates Stadium-ah an hneh.
Thawhlehni zana Crystal Palace laka mualpho tawh Gunners lakah hian Seagulls tan Leandro Trossard leh khel\ha tak Enock Mwepu ten goal an khung a. Arsenal in Gabriel Martinelli goal pawm loh an nei a, huntawp dawnah Martin Odegaard chuan goal khat a khung.