Indian Prime Minister Narendra Modi leh United States President Joe Biden te chu an minister pawimawh pahnih ve vete an inbiak hma lawkin ral a\angin an inkawm a. Ukraine-a indona thleng meka ngaihdan inang lo an neihte pawh inzah tawn takin an inpawmsak tawn.
An inbiak hma lawk hian Biden-a chuan indona chungchanga India \anna chu ‘danglam reng’ angin a sawi a. US thuneitu sang pakhat phei chuan India-in Moscow lam a \ang anga lang chu a reiin a rintlak reng dawn em tih a zawt.
Hetiang hian US-in nawr mah se India chu a dinna ngai rengah a ding a. Delhi hian indona tihtawp nan inbiak a \ha ber tih chu a la \an rengna a ni a. Russia chu vawi khat mah la dem lo mah se ram dang inrelbawlna inzahsak a \hat thu erawh a sawi tawh \hin thung.
Ukraine-a indonaa an thuchhuah inang lo karah hruaitu lu ber ve ve chu chu an inbia a. Hei hi ruahman lawk a ni lo va, White House-in a ngenna a ni.
Prime minister leh president inbiak zawhah hian ruahman lawk angin, kum tina neih \hin, 2+2 Dialogue chu Washington-ah \an zui a ni a. Indian Foreign Minister S Jaishankar, Defence Minister Rajnath Singh leh US Fioreign Secretary Antony Blinken leh Defence Secretary Lloyd Austin te an inbia.
Inbiak zawha thuchhuah an siamah ram pahnihte hian Ukraine chungchanga an ngaihdan ve ve chu an inhriat thiamsak tawn tih a lang.
Modi-a leh a minister-te hian Ukraine chungchanga an dinna chu sawiin Biden-a leh a minister-te pawhin Delhi dinna chu an hre thiam a, a hmaa Washington thuneituten na taka an nawr \hin ang a ni ta lo.
Blinken-a chuan India hian ‘he chona awm mek hi amah thua thutluk siam theihna a nei’ tiin a sawi a. India hian UN-ah pawh a ngaihdan sawi tawhin Ukraine-a Bucha-a civil mite thahna pawh a chhuitu tur hran din a duh tih a sawi bawk.
Thil danglam tak a sawi zingah, “India hian hun rei tak ata Russia nen inkungkaihna nei tawhin heng hunah hian US hian India hi a thawhpui thei ngai lo,” a ti.
Blinken-a chuan hun a kal zel a, US chuan India chu kawng hrang hrang – sumdawnna, technology, zirna leh invenhimna thlenga kawmngeih a duh tawh tih a sawi.
Ukraine chungchang an sawiho bakah hian Indo-Pacific insuihzawmna chu tihngheh zel dan tur te, sumdawnna, ram venhimna lama \anho zel dan turte an sawi bawk.
US hian India chu Indo-Pacific huam chhunga muanna a awm theih nana thawh hlawk ber tur a nih thu a sawi.
“China hian heng lai vel hi ama duh anga awmtira ama hlawk leh duh dan anga khawvel pawh hawitir a tum a ni,” tiin Blinken chuan a sawi.
US leh India hian Indo-Pacific-a China lian zel tur dan hi an tum dun a. India hi China nena ramria intibuai reng an ni a. An sipaite pawh Galwan phaikuamah kum 2020 khan inphek sualin Indian sipai 20 zet an thi a, China-in pali an hloh ve niin a hnuah a sawi.
S-400 lei chungchang
Russia ram hi India-in ralthuam a lei tamna ber a ni a, tun hnaiah pawh S-400 missile defence system a leisak a, hemi chungchangah hian US nena an ngaihdanah inremna a la awm lo.
India-in ram dang atanga ralthuam a chawk luh zinga a zahve aia tam hi Russia hnen atanga a lei a ni.
US hi Russia dawta India-in kum 2011 leh 2015 chhunga a dawr tam ber a ni a; mahse, tun hnaiah leisak tlemin kum 2016 leh 2021 inkar khan Russia hnuaiah France leh Israel an awm tawh.
US hian kum 2017 atang khan Russia, Iran leh North Korea hrekna atan Countering America’s Adversaries Through Sanctions Act (Caatsa) kalpuiin heng ramte eibar leh politics-a hrekna niin ram dang nena ram venhimna lama thawhhona an siam lohna tura a tih a ni bawk.
Blinken-a chuan CAATSA hnuaiah ‘US-in hrek bik a neih dan tur leh ngaihhnathiam tur chin a siam lem lo’ tih a sawi a. Hetih rual hian Russia nena indawr tam lo turin ram hrang hrangte chu a lo ngen tawh thung.
Ram inkungkaihnaa mi thiam thenkhat chuan Indi-in Russia hnen atanga S-400 a lei chungchanga engmah thuchhuah a nei lo hian US hian ngaihzamsaka nakin zela India-in Russia aia tam zawk a dawr theihna tur hawn a tum niin an ngai.
India hian Russia hnen atang hian S-400 missile system hi eng emaw zat a lei dawn a, thenkhat chu India-ah phurh thlen tawh a ni hlawm.