Iran-a Natanz nuclear hmunpui chu tu tih hriat lohten Pathianni khan an tibuai niin an rama nuclear enkawlnaa thuneituten an puang.
He pawikhawihna hi uranium thuam \haa tihchakna tura ruahmanna an siam tuka thleng a ni a, Ali Akbar Salehi chuan puh tur ber hre lovin helho chetna tiin a sawi a, Natanz complex chu an kawlphetha hman lai tihkhaihlaksak an ni.
Israel chanchinbute chuan thu rinawm tak an dawn danin Israel cyber-attack a nih thu an puang.
Israel erawh chuan thuchhuah an la siam duh lo va. Hmanni erawh kha chuan Iran nuclear programme thuam \hatna tur chungchangah vaukhanna a lo tichhuak tawh thung.
Kum 2015-a US leh Iran ramin nuclear deal an lo siam tawh, kum 2018-a Donald Trump-a rorelna hnuaia tihtawp lailawk chu tun hnaiah tharthawh leh a ni a. Hemi hnu lawk hian he pawikhawihna hi a thleng ta a ni.
Inrinni khan Iran President Hassan Rouhani chuan an nuclear thuam \hatna tur ruahmanna thar a tlangzarh a, an ram tv-ah ‘live’-a pek chhuah a ni nghe nghe.
He thil hi uranium siam chhuahna kawngah a pui dawn a, reactor fuel emaw, nuclear ralthuam emaw siam chhuahna atana an hman ber a ni.
Hei hi kum 2015-a ram dangte nena inremna an siam thuthlung bawhchhiatna pakhat a ni a. Iran chu kawlphetha siam chhuahna atan chauh uranium hi hman phalsak an ni a, chu pawh chu ram dang hnena thawnchhuah khapsak an nih bakah uranium hi an kawl theih chin zat tur bituksak an ni.
Khawvelin Iran an ring zo lo. A chhan chu, kawlphetha siam chhuahna atan uranium chhuanlamin nuclear ralthuam siam tumah an puh a, Iran erawh a pha nasa hle.
Kum 2015 khan Iran leh ram parukte chuan inremna an siam a. An thuthlungah chuan Iran hian nuclear lam hawi zawnga an hnathawh an titawp ang a, ram dangte hian an economy tichhe thei thil an tihtawpsak thung ang, chungte chu na taka hrem theihna leh hreknate an titawp ang tih a ni.