Mizoram cricket thuneitu Cricket Association of Mizoram leh Samagra Shiksha Mizoram te chuan Thawhlehni khan thawhdunna thuthlung an ziak.
Education Complex Conference Hall, Mc Donald Hill, Zarkawt ah thawhdunna hi an ziak a, kum nga chhung daih tur a ni ang.
Thawhona thuthlung hi Samagra Shiksha Mizoram aiawhin Lalhmachhuana, State Project Director leh C. Lalthanzira, Addl. State Project Director ten an hming an ziak a. Cricket Association of Mizoram aiawhin Robert Lalfamkima, Hony President leh Mamon Majumdar, Hony Secretary ten an hming an ziah hnan a. Mizoram sawrkar aiawhin Lalzirmawia Chhangte IAS, Secretary School Education Department chu hriatpuitu a ni.
Chiang zawkin
Samagra Shihsha Mizoram leh Cricket Association of Mizoram te thawhhona tur hi a bul \anna atan Aizawl khawpui chhunga sawrkar sikul primary leh middle school thlan chhuah sikul sawmah kalpui phawt a ni ang a. Kum thar a\angin Aizawl pawn leh district dangah te kalpui zel a ni ang.
Thawk ho tur thuthlung a\anga a lan danin, naupang ten an zirlai tibuai lo thei tur ang berin kar khatah vawi thum training an nei thin ang.
Sum leh pai senso ngai zawng zawng leh Cricket thuam thil leh training-na atana mamawh zawng zawng Cricket Association of Mizoram ten an tum dawn.
Naupang talent nei \ha zual te kumtin National Cricket Academy, Bangalore a traning an neih dan tur kawng zawn te bakah, Mizoram pawnah exposure trip neih tir \hin an ni ang.
Grassroots Cricket School-ah hian qualified coach dah vek ang ni ang a. Naupang ten nun kawng dik an zawh theihna tur atan Grassroots Cricket School hi zuk leh hmuam,ruihtheih thil laka an fihlim theihna tur atana hman tangkai a ni ang a. Grassroots Cricket School hmang hian Enrollment Drive leh Retention Drive atan hman a ni tel bawk ang.
Grassroots Cricket School a zir chhuak te hi Cricket Association of Mizoram ten Mizoram aiawh a ram pum huam age group inelna hrang hrangah player zawnna hmun pakhat atan a hmang dawn a ni. Heng bakah hian Inter School, Inter District Tournament huaihawt \hin a ni bawk ang.
Eng nge an sawi?
CAM honorary secretary Mamon Majumdar chuan, “Vawiinah hian Mizoram cricket chanchinah mellung pawimawh tak kan phun a. CAM a hruaitu lo ni tawh te pawhin min lawmpui ngei ka ring.” tiin hun rei tak a\anga an lo beisei leh duhthusam ni \hin chu an tihlawhtling tih a sawi a.
Hun lo kal zel turah thawhhona \ha tak a awm chhunzawm zel a beisei thu sawiin, “Mizoram ah cricket a talent neih tam tak awm te zawn chhuah a, zirtir a, kaihruai turin theihtawp kan chhuah dawn a ni.” a ti.
Khuallian Dr Lalzirmawia Chhangte chuan CAM in hun rei tak chhung BCCI hnuaia inziak lut tura hma an lo lakdan leh hruaitute inpekna chu fakawm a tih thu a sawi a. “Samagra Shiksha Mizoram te CAM nen kan thawk ho thei tur hi kan vannei a. Mizo naupang kaihhruai nuam leh talent nei \ha tak tak te, zirtir theih rual an nih laia cricket an han zir tur hi hmasawnna lawmawm tak a ni” a ti ve bawk.