Tun Indian Premier League 2022-ah Sunrisers Hyderabad in tlawm zawna bul an \an hnuah hnehna an chang zawn a. Chennai Super Kings an hneh a\anga ni hnih hnuah an batsman-te inlar lehin wicket 8 in Gujarat Titans an hneh.
Gujarat Titans hi tun IPL-ah an vawikhat tlawmna a ni a. Hardik Pandya chuan an tan run 50 siam mahse T. Natarajan leh Hyderabad bowler-ten an hrek \ha a. A khat tawka wicket an lak \hin avangin 162 bak an tlin lo.
Titans run siam tam chhan pakhat chu Hyderabad lamin wide an vawm hnem vang a ni a. Wide 20 zinga 10 chu Bhuvneshwar Kumar vawm a ni.
Titans in an run bituk zat chu a tam lo tih an hria, mahse ven theih a ni. Hyderabad tan Kane Williamson a chet hleihtheih lawk loh bakah Rahul Tripathi a inhliam avangin chak thei mai turin beiseina an nei hman.
Mahse Williamson-a’n a innings tawp lamah a hnampui Lockie Ferguson-a ball vawm a hrem nual a, ball 46 a\ang run 57 a siam. Opener Abhishek Sharma chuan ball 32 a\ang run 42 a siam ve bawk a. Sunrisers chhandamtu erawh Nicholas Pooran niin 6 vawi hnih leh 4 runs vawi hnih a luh hnuah a vua a, ball 18 a\ang run 34 siamin over 19.1-ah Sunrisers in run 168 an siam.
Man of the match a thlan Kane Williamson chuan, “Inkhel pumpui kha cricket game hmuhnawm tak a ni a, team pahnih a\angin \ha tak taka khel an awm.”
“Han luh tirh khan ball han vuak nghal pawp pawp mai a awlsam lova, chuvangin partnership nghet neih kha kan tum \hin. Hma kan sawn ve zel tih a hmuh theih.”
“Khawvela player \ha berte kal khawmah hi chuan a awlsam dawn lo tih hi a chiang sa a, kan dinhmun in a mamawh ang taka kan khel thei kha a lawmawm.” tiin a sawi.