Rock music rorelna titawp a, alternative music-in lal ram a dinna kawnga sulsutu ni hiala ngaih ‘Smells Like Teen Spirit’ music video-a Kurt Cobain-a guitar hman chu lilam a ni dawn ta.
Nirvana zaipu guitar hman hi 1965 Dodge Dart model a ni a, 1991 kuma an hla hit , ‘Smells Like Teen Spirit’ music siamnaah khan hmuh theih a ni a, thlaleh ah liam a ni ang.
Vei khawr 1969 Fender Mustang hi ni thum chhung awh tur Julein’s Auction-ah phochhuah a ni dawn a, May 20-22 hian Hard Rock Cafe, New York-ah a ngam huai ber tan lei theih a nih bakah online kaltlang paw’n chuh theih turin an ruhman bawk.
He guitar hi $600,000 emaw $800,000 atanga tan tur a ni a, 1991 kuma Guitar World nen an interview tuma Cobain-a’n, ‘Ka guitar duh ber a ni’ a tih hi chhang huai an tam ang.
“Vei khawr ka ni a, hei vang hian guitar man man tha bawk si neih hi a awl lo hle, vei khawr guitar tha tak, man tlawm bawk si zawn hi thil namai a ni lo,” tiin a sawi a, “Khawvela guitar awm zawng zawng zingah Fender Mustang hi ka duh ber a ni,” a ti bawk.
Juline’s Auction president leh CEO Darren Julien chuan he guitar an lilam thei tur chu chanvo hlu leh ropui tak a nih thu uar takin a sawi.
Nikum khan Cobain-a’n ama lem a ziah chu Julien Auction kaltlangin $281,000 a lei chhuah a lo ni tawh.
THLARAU KHAWVEL LEH KURT COBAIN
Nirvana band dintu Kurt Cobain hi 1994 khan amaha intihlumin rimawi khawvel a barakhaih chiang hle a.
A thlarau a chawl hlen dawn emaw tih laiin, August 2000 khan Essex-a bar manager, kum 24 mi chuan ‘Compaq Presario’ laptop a hman lai chu khawih sakin, tanpuina a dil a, chutah chuan chuks turin a ngen a, he nula pawh hian khur zawih zawih chungin a chuks a, chu veleh a computer chu a hman theih tawh loh nghal.
Hemi hnu hian a thawm hriat zui a ni tawh lo.