Hripui avanga kum hnih chhung buatsaih theih a nih loh hnuah Mizoram Premier League Under-18 2021-2022 chu Thawhlehni a\angin Lammualah an khel \an.
Mizoram Football Association leh Mizoram Youth Commission \angkawp chuan he inelna hi an buatsaih a. Mizoram Premier League club pariat te inelna turah hian kum bithliah player \ha te an inel dawn.
April 30 thleng khelh tur inelnaah hian round hmasa berah Chanmari FC, FC Venghnuai, Aizawl FC leh Chhinga Veng FC ten an khingpui an hneh \heuh.
Inkhel hmasa berah Chanmaria FC in Electric Veng FC 3-0 in an hneh a. Jeremia Zorinkima, Lalpekhlua leh Lalremruata ten goal an khung.
Inkhel pahihnaah FC Venghnuai in C. Laltlanmawia goal hmangin Mizoram Police an hneh a. Aizawl FC in FC Bethlehem an hnehna kawngah an khingpui defender Liansanglura own goal leh Lalremtluanga goal khung te an mamawh.
Inkhel hnuhnung berah Chhinga Veng FC in FC Chawnpui chiang takin an hneh a. Lawmsangzuala chuan CVFC tan goal hnih a khung.
April ni 12, 2022 (Thawhlehni) Result:
9:00AM Chanmari FC 3-0 Electric Veng FC
(Jeremia Zorinkima 9′, Lalpekhlua 57′, Lalremruata 80+2′)
11:00 AM Mizoram Police FC 0-1 FC Venghnuai
(C. Lalthlanawma 32′)
1:00 PM Aizawl FC 2-0 FC Bethlehem
(Lalsanglura 29’ OG, Lalremtluanga 60′)
3:00 PM Chhinga Veng FC 5-0 FC Chawnpui
(Aron Vanlalrinchhana 36′, Lalnunzira 73′, Lawmsangzuala 60′, 81′, Lalrindika Chhakch- huak 80′)
April ni 13, 2022 (Nilaini) inkhel tur:
9:00 AM Mizoram Police FC vs FC Chawnpui
11:00 AM Electric Veng FC vs FC Bethlehem
1:00 PM FC Venghnuai vs Chanmari FC
3:00 PM Aizawl FC vs Chhinga Veng FC