Aizawl : Serchhip-a Agriculture Department in a enchhinna atana nikum-a Lentil Dal an chin chu seng mek niin kumin ah nasa zawka chin theih beisei a ni.
Serchhip-a Agriculture Department hian nikum thlasik ah khan Lentil Dal, WBL 77 chu Serchhip Mat Phai-a Chamdur Zau-ah mimal ram, F. Lalawikunga Serchhip Field Veng a mi ram chu hawhin an a enchhinna atan an ching a, tun tumah hian kg. 20 chin niin December 21-24, 2022 chhung khan an ching a, March thla tawp khan sengin an phoro hnuah Serchhip DAO Office thlenpui niin, April 13, 2022 khan her a ni a, quintal hnih vel tharchhuah theih an in beisei tih thawktute chuan an sawi.
Serchhip DAO Tlangtimawia Zote chuan kumin a Lentil Dal an enchhin hi a tirah chuan quintal 4-7 vel thar thei tura an beisei thu a sawi a. Amaherawh chu, January thlaa ruahsur khan tui a tihtlin nasat avangin an beisei ang an thar dawn loh thu a sawi a. Chutih laiin, an enchhinna chu hlawhtling thawhkhat ah an inngaih thu leh kumin a thlasik lo thleng turah chuan a nawlpuiin an chin tura inzirtir ngam a nih tawh tur thu a sawi bawk.