G-90s buatsaih G.I.G. Motors Veteran Football Tournament chu Nilaini khan Rajiv Gandhi Stadium, Mualpui ah final khelh a ni a, AMC Ward IX chuan penalty shootout-ah AMC ward IV hnehin champion trophy an chawi.
Champion AMC Ward IX te hian pawisa fai Rs 100,000/- leh trophy an dawng a, pahnihna AMC Ward IV hian Rs 50,000/- leh trophy an dawng ve bawk.
He inelna pumpui a Best player-ah Hrangzuala, AMC Ward IX, chu thlan a ni a, Rs 1000/- trophy a dawng. Top scorer-ah goal 6 khungtu Peter Lal\hasiama, AMC Ward IX chu thlan niin Rs 1000/- leh trophy a dawng bawk.
Final inkhel a hmuhnawm hle a, AMC Ward pahnihte an inhnehtawk hle. First half \an tirhah AMC Ward IV ten penalty an hmuh chu goal-ah an chan tir thei lo a, AMC Ward IX te pawhin goal thunna hun hun \ha nei \hin mahse goal erawh an khung thei bik lo.
Second half-ah pawh inkhel danglam thui lovin AMC Ward pahnih te hi an innawr tawn zak zak a, goal erawh an khung thei lo ve ve
Inkhel tawp dawn lamah AMC Ward IX te chuan penalty an hlawhchhuak dawn emaw an tih laiin referee chuan penalty a pe lo. Goal lut awmlo in huntawp an hmang zui.
Hun pekbelh an ni lova, penalty shootout hmanga chak zawk zawn zui a nih hnuah AMC Ward IX chuan 5-4 a hnehna changin an champion ta a ni.
Lawmman
Champion: AMC Ward IX, Rs 100,000/- Trophy
Runner up: AMC Ward IV, Rs 50, 000/- Trophy
Mimal Lawmman
Best player: Hrangzuala, AMC Ward IX, Rs 1000/- trophy
Top scorer: Peter Lalthasiama, 6 goal, AMC Ward IX, Rs 1000/- trophy
Best Goalkeeper: AMC Ward IX, Zarzoliana, Rs 500/-
Best Defender: Lalnghakliana, AMC Ward IV Rs 500/-
Beat Midfieder: S. Malsawmtluanga, AMC Ward IX, Rs 500/-
Best forward: AMC Ward IV, Lalruatkima, Rs 500