German football club Eintracht Frankfurt chuan Barcelona chu anmahni mualah ngei, an club tantute hmaah an barakhaih a. Spain-ah 3-2 a hnehna changin 4-3 aggregate in Europa League semi-final ah an chak a. Semi-final an lut.
First leg-ah Eintracht mualah 1-1 in an inhnehtawk tawh a, Camp Nou-ah beisei sang tak neiin Barcelona in lo hmuak mahse an beisei loh thil a thleng.
First half-ah Eintracht Frankfurt hian Filip Kostic penalty khung leh Rafael Borre te goal khung hmangin goal hnihin hma an hruai a. Second half-ah Kostic bawkin an goal thumna a khung.
Barca hian a tawp thleng erawh beiseina neiin an khel a. Sergio Busquets chuan goal khat a khung a. Luuk de Jong chuan penalty a hlawhchhuak bawk a. Frankfurt defender Evan chuan penalty hi chawiin foul naran taka lang ni si chu red card a hmuh phah a. Memphis Depay chuan penalty hi goal-ah a chantir.
Kum 1980 a he inelna a champion tawh Frankfurt hian semi-final ah West Ham United an hmachhawn leh ang.
London club hian Olympique Lyonnais an tlawh a. France-ah goal thum hung a hnehna an chan avangin chiang takin an tling.
Kum 46 chhunga a vawikhatna atan Europe huap inelnaah anni pawhin semi-final an khel dawn.
First half tawp dawn lamah Craig Dawson leh Declan Rice ten West Ham goal an khung a. Second half-ah Jarrod Bowen chuan an goal thumna a khung ve leh bawk.