Sri Lankan rapper lar tak Shiraz chu an ram khawpui Colombo-a Galle Face Groiund-a a zai zo chu nikhaw hre lovin a tlu a, Damdawi In thlenpui a nih hma in a boral.
Rude Bwoy tia hriatlar hian an ramin kawng hrang hranga harsatna namen lo tawk a, kal hlei thei lo khawpa a thuanawp chu veiin, nimin pawh khan President Gotabaya Rajapaksa bang tura nawr a, mipui punkhawmnaah a inlan a, an ramin economic harsatna namen lo a tawhnaah an ram siamthatna kawnga ke pen ngai nia hriain, mipui chawkphurin thahnem takin an zai a ni.
‘Go Hoome Gota’ thupui hmanga lungawi lohna lantirnaah rapper hian Bob Marley hla hit, ‘Get up, Stand Up’ hla thlawhin, a zai zo chu a tlu nghal a, Damdawi In hnai ber panpui ni mah se, chhan hman a ni tawh lo.
Report thenkhatah chuan rapper lar tak hian thawklehkhatah heart attack a nei thut nia tarlan a ni a, rinthu leh titi leng vak tam tak karah Rude Bwoy fan te leh amah ngainatu tam tak a kalsan ta a ni.
Social media lamah pawh a mah ui thu leh sunna hmuh leh chhiar tu a tam hle a, rimawi khawvel tan pawh channa nasa tak a tling. A hun tawpah an ram tana dingchhuak a, a chechhuak kha fak a hlawh hle.