Ramchhunga hri vei leh hri kai thar tlahniam hret hretin, khualzin leh veivah lama mitin an harh leh sung sung mek lai hian Thlawhna hmanga zin veivak an pung thar hluai. Thlawhna chuang fuh lo leh tluanpui loh an tam hle bawk a, ei leh in fuh tawk loh vang a ni fo.
Thlawhna chhung an sem zawng zawng ei fai duak duak mai hi a harsa hran lova, breakfast a ni thei a, lunch a ni thei a, zanriah thlengin a tel thei bawk. Thenkhat ve thung chuan ei tur an pai bawk a.
Mahse, thlawhtheihna chuan hmâa ei tur thlan thiam a pawimawhin, chhuah hmaa i ei leh in khan thlawhna chuan hun laia i awm dan turah kawngro a su thei a, chuvang chuan ei leh ei loh tur te hrilh hriat i ni ang. Heti ang hian:
Tukthuan tam vak lo
Zing kara thlawk chhuak tur i nih chuan theirah- Serthlum, thingfanghma, Dawnfawh emaw curd te hi ei lawk a tha. Chaw hmeh kan leh thil mawm lo ei loh tur a ni. Hei hian gas leh acidity a siam nasa thin a, a fuh lo duh hle.
Chaw chhuna tel tur
Pumpai nuam leh digestion siam zung zung thei tur thlan thiam a ngai ang. Artui chhum hmin te leh sangha te pawh a sual lo. Mix veg, salad leh chapati te pawh duhthlan tur tha tak a ni thei.
Zanriah ve thung le
Fatty food an tih mai- chhangthawp, pasta leh noodel te hi ei nuam leh awlsam tak a nih rualin, thlawhna chuan lai chuan ei loh zawk te pawh a tha ang. Pulse leh rice te hi thlawhna chuan lai chuan malsawmna an thlen lem lo fova, chuvang chuan hengte ai hian vegetable salad, Sa tlem te leh sangha te pawh zanriah ah a fuh ang.
Thlum lam tel lo se
Mi tam zawk hian chaw ei inkarah hian thil thlum emaw hmawmsawm ei mai mai an ching a, pumpai erawh a fuh lo duh hle. chu’ng ai chuan Artui chhum te, dry fruits leh nuts hrisel tak takte hi inchhawp a tha. Chumi rualchuan, fruit juice, soup leh herbal tea te pawh In a tha. Thingpui leh coffee bakah carbonated leh sweet drink te hi thlawhna chhung ai chuan In lo zawk ni se.