Milan khaw club-te an chak, Juve an chelh

Italy-ah Serie A hmahruaitu AC Milan chuan Zirtawpni zana inkhelah 2-0 in tlak hlauhawm a awm mek Genoa an hneh a, Serie A table chung berah an kir.
San Siro a inkhelah hian Milan tan Rafael Leao leh Junior Messias ten goal khat ve ve an khung a. Tunhnaia match hnih a zawna goal khung lova point an hloh hnuah Milan an chak ve leh.
Goal ven kawngah erawh an coach Stefano Pioli chu club chanchin a Serie A season khatah a zawna league inkhel vawi ruk chhung goal venghim thei pathumna chauh a ni.
Pioli chuan, “Inumna a nung a, boruak a tang chho mek. Nikumah top four ah eng nge kan beisei ngam tur a hriat loh avangin pressure a awm lova, tun tumah erawh a awm. Mahse hei hian thil tha a hring tur a ni tiin ka player-te ka hrilh.” a ti.
Milan hmelma Inter hi Zirtawpni zanah inkhel hmasa zawkah an tang a. 3-1 a chakin reilote chhungin league hma an hruai hman.
Spezia khelmualah Inter tan Marcelo Brozovic, Lautaro Martínez leh Alexis Sánchez ten goal an khung.
Inrinni zanah Juventus an tlawm teuh hle a. Marko Arnautovic goal an chhuah hnuah player 9 a inkhel zo Bologna lakah Dusan Vlahovic chuan a chhanhim hram.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427