EDITORIAL 19/4/22

Furpui luh hma a lo inbuatsaih lawk a tha

Khua a hnawng leh hnai a, furpui kan thleng chho leh mai dawn. Mi thiamte sawi dan chuan leimin hian fur laiin chhiatna min thlen nasa hle niin an sawi a, hei hi a tlangpuiin kan insak danah kan fimkhur tawk loh vangte ni bawk thin mah se, kan tuichhe paihna kan fimkhur tawk loh vang nia sawi a ni.
Ruahtui a tlak tam deuha in bul hnaia leimin a thlen fo chhan chu tui paihna mumal siam loh vangte a nih thu helam kaihhnawiha awm department mi thiamte chuan an sawi a, “Kan tui thlite hi awmze nei lo in kan luantir mai mai a, hei hian lei a tihnip a, ruah baw-hawk an awm hian chung lei hnip tawh sa chu a tihmin phah thin,” an ti a, a pawmawm viau.
Tunah pawh furpui kan hmachhawn leh mai dawn a, chhiatna nasa zawk kan hmachhawn loh nan leh a theih ang anga kan lo inven theihna awmchhun chu tun atanga kan tuichhe paihna kan fimkhur a, kan in leh a vel thawm that ngaite kan thawm that a, theih ang anga kan lo inhmakhua hi a tul hle.
To haw hun hmaa in bul hnaia thingkung lian leh thing ro leh mihring leh chenna in delh chhe theite chu lo kih emaw, lo then fai lawk emaw a tul thu mi thiamte chuan an sawi a, fur laia chhiatna hrang hrang lakah hian nasa takin a lo inven theih tih an sawi bawk. Zirtirna tha tak dawng, a hre zawkte leh zirchiangtute thusawi zawm mai hi mipui lam chuan kan lo inbuatsaihna hmasa tur niin a lang a, zawm mai hi thil har a ni lo bawk. Chuvang chuan furpui kan luh hma ngei a inhmakhua thiam hi a ngai e.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427