- Zirsangkima
Fanu ka nei ve a ni àwm e!
Ka fanu tan hian eng emaw nih ve ka châk ve thin; a ‘hero’ nih te chu ka duh ve viau. Mahse, ka fanu chu ka hre si lo; a pian tirh atã ka la hmu lo! Fanu ka nei a ni tih pawh ka inhre lo reng!
Candle-i—chu chu a hming a ni; a tána tangkaina neih ve a, a tána mi eng emaw tak nih ve hi ka va’n duhin ka va’n châk thin tak! Mahse, duata kai hruai turin ka nunin a zir miau lo a le!
Mi Kháwbáw–Keimah!
High sikul ka zawh hlimin zu bawihah ka táng a … zu bawih han tihah a ruih theih apiang bawihah a ni ber zâwk ang chu. Rûk rûk ka chíng chho a. Mi rawk leh mi vau chu ka hobby a ni ta mai. Ka chhúngten min thlahthlam a; min rawltír a ni ber e. Mahni in luma ka tiah zah leh tàn ina ka riah zah hi a inrual thuak ang chu!
Tin, ka lo lêrh ve phian a. Nula ni se, hmuh hnuhnun apiang hmangaih zêl thei kha ka ni. Ka ngaihzawng thenkhatte phei chu jail-ah ka tànsan ang lâwp lâwp a—ka bàn zui mai a. Ka ngaihzawng hnuhnung ber pawh kha … ngawi teh, Caroline-i hnua mi kha, tutu nge an nih ka hre chiang hlawm ta hauh lo mai!
Tàn inah lah a lal páwlah ka tang zêl a. Táng tharte chu duh duha ka tirhkaha siam turin ka senior ve tâwk … mai a ni lo, ka táng ngun ve tâwk tawh bawk a ni. Tlàn chhuah lam pawh ka awlsam narawh—Papillon te kha ka inchan rum rum hial thin!
Tàn inah chuan meizial bung tih loh chu kawl ka nei lo—ziaklohpuan leh pencil, nawhreh chhawm tih loh chu. Ka ni tin hun hman dan chu ka ziak ve thin (ziak turin ka hman êm bawk a!)
Táng chhuak!
Ka tàn tum thumna ka tàn zawh hnu pawha ni 188 ka tàn belh hnuah chhuah ka ni ve ta. ‘Tun tum chu tàn leh ngai lo turin aw…’ tiin rilru ka siam fel a. Zu leh ruihhlo dang châkna ka nei tawh lo bawk nèn, nun phung pangngai zawh chu ka tum ruh ve hle mai.
Ti chuan jail táng chhuak, tlangvál senior, nun pangngaia nun tum chuan jail rún thim chu ka chhuahsan ve ta e.
Tàn in atanga ka chhuak chu, tàn in kawta min lo hmuaktu ka tawng lo a, ka beisei nahek lo! Khawi lam nge ka pan dawn tih pawh ka inhre lo hial!
Ka pate in lam ka pan ngawt mai a. Ka pa, tar em em tawh leh ka nu chuan min lo làwm a. Chutia thlahthlam hlen ka la ni lo tih ka inhriat rual chuan ka lãwm nge mai. Mahse, ka nu kam hnih khat lek chuan min vêl ta a ni!
‘Mama, i fanu khan naktuk zànah concert a nei dawn a nia aw … Kan khaw auditorium lian berah sawn! Ticket pawh a hralh fai leng tawh a. “Â-pa tã tur,” tiin pakhat a la dah bâng a. Hei … i tana a dah chu!’ a ti ta mai!
Fanu a!
Fanu a? Ka fanu maw? Fanu ka nei em ni? Tu laka ka fa nge? Engati nge fanu ka nei tih ka inhriat loh? Tunge a nu? Tu ber kha nge?
Khatia ka kawihsawih lai khan fa ka lo hring a ni chék ang a? Engati nge tàn ina ka tàn lai pawha hriattir ka nih loh? A nu pawh chuan lehkha pawh min rawn thawn ve awm a ni si a. Tûnah kum 50 ka pum ve dawn ta a; ka fa neihna chu hriat ve ka phú asin!
Mahse, ka nun dan kha a pangngai lo êm mai a. Hrilh tlâk leh zah tlâkin ka awm lulai lo êm a tin ni!
Ka Fanu Ka Hmu!
Tàn in atanga ka chhuah zàn là lâ chuan ka fanu … ni e, ka ríla rah ngei mai, ka fanu concert chhim tur chuan ka inbuatsaih ve ta a. Kan khuaa auditorium lian ber lam panin ka pa driver chuan car-in min thlah a.
|huthmun min kawhhmuhtu nula fel tak hian ka hming min lo zâwt var a. Ka insawi chuan stage hma, tlar hmasa berah min thuttir. ‘Ka pu, i fanu hian a ngai che a nia. A concert i chhim theih nan hian tan a la nasa teh mai a nia; jail atanga bail-a chhuahtu che pawh hi i fanu a nia sin!’ a ti ta mai a!
Ka fanu, a hmel pawh ka la hmuh loh leh tu laka ka fa nge a ni tih pawh ka la hriat loh concert chu, kan rama band lãr ber berten an khuh hawng a.
Minute 15 hnuah chuan keimah ang tak, ka fa tih hai rual loha min chhùn nu chu tingtang awrh chhuakin a rawn inlan ta!
‘He hall-a awm zawng zawngte u. Min rawn tawiawm avangin ka va’n lãwm tak êm! Ticket hralh zo rang ber record siam thei dinhmuna min dintirtu pawh nangni hi in ni e. Ka lâwm tak zet e.
‘Mahse, thil pakhat chauh: tu ma’n thîk lo ula. He hmuna min dintir theitu chu ka pa hi a ni. Kan la inhmu lo; mahse ka hria! Ka pa ka hria che. Ka pa, min hriat hma pawh khan ka hmangaih tawh che! Ka pa, kum khati zat kha ka ngai tawh che a; mahse, ka kiangah i awm tawh dawn tiraw …pa?’
Ka fanu chu rawn chhukin min rawn kuah a. Dawhsànah chuan min kai chho a. He hla, Diane Warren-i phuah hi a sa ta a:
How Do I Live
How do I get through one night without you
If I had to live without you
What kinda life would that be
Oh I, I need you in my arms, need you to hold
You’re my world, my heart, my soul
If you ever leave
Well, baby you would take away everything
Good in my life
And tell me now
How do I live without you?
I want to know
How do I breathe without you?
If you ever go
How do I ever, ever survive
How do I, how do I, oh how do I live
Without you
There’d be no sun in my sky
There would be no love in my life
There’d be no world left for me
And I, well baby, I don’t know what I would do
I’d be lost if I lost you
If you ever leave
Well, baby you would take away everything
Real in my life
And tell me now
How do I live without you
I want to know
How do I breathe without you
If you ever go
How do I ever, ever survive
How do I, how do I, oh how do I live
Please tell me baby how do I go on
If you ever leave
Well, baby you would take away everything
Need you with me
Baby don’t you know that you’re everything
Good in my life
And tell me now
How do I live without you
I want to know
How do I breathe without you
If you ever go
How do I ever, ever survive
How do I, how do I, oh how do I live
How do I live without you?
How do I live without you, baby?
How do I live