Aizawl: MJA Gen. Hqrs President C Lalrambuatsaiha’n ‘Mizoram Land and People’ tih lehkhabu nimin khan a tlangzarh. He lehkhabu hi Prof. VP Sati, Department of Geography & Resource Management, Mizoram University buatsaih a ni.
Aizawl Press Club-a lehkhabu tlangzarh inkhawmah thu sawiin C Lalrambuatsaiha chuan geography lehkhabu a tam loh avangin he lehkhabu hi lehkhabu hlu tak, Mizoram tan leh a bik takin Geography subject tana mellung pawimawh tak a nih thu a sawi a, “Mizote ziak leh chhiar thiam lamah kan sang a, lehkhabu pawh a tam hle. Chutih rualin, lehkhabu chhiar lam kan tui ta chiah lo nge, tan kan lak thar a tul hle a ni,” a ti.
Mizoram – Land and People lehkhabuah hian chapter 13 a awm a, phek 143 a ni a; a ziaktu pawhin tlangzarhnaah hian thu a sawi.