Auto Corner
by Ruata
Maruti Suzuki chuan an MPV tha leh chhuan tak Ertiga chu a thar, kum 2022 model an tichhuak ta a. A pawn leh a chhung en mai chuan tuna chhuak nen danglamna a tam vak lo a, hetihlai hian Maruti Suzuki 6-speed automatic gearbox thar hmang hmasa ber tu a ni thung a, 2022 Ertiga hi Rs. Nuai 8.35 – 12.79 (ex-showroom, Delhi) man a ni.
2022 Maruti Suzuki Ertiga variant leh a khawl
A chhuak hlui zawk ang chiah Ertiga thar pawh hi trim level pali – LXi, VXi, ZXi leh ZXi+ te a awm a. 1.5 litre khawl hmang vek an ni a, he khawl hi petrol leh CNG hmang te duhthlan tur a awm a ni. CNG bik hi a lirthei variant laihawl ho, VXi leh ZXi-ah pawh duhthlan theihin a awm a, a hma kha chuan CNG kha a variant hniam ber dawttu VXi ah chauh duhthlan theihin a awm thung a ni.
Heng variant zawng zawng te hian transmission lamah chuan standard-in 5-speed manual gearbox a nei vek a. A variant hniam ber LXi tihlohah tuna Maruti 6-speed automatic transmission thar hi duhthlan theihin a awm a ni. A khawl bik pawh hi a hmaa tarlan thin tawh angin 1.5 litre ro roah a thar, 1.5-litre K15C DualJet four-cylinder khawl a ni a. He khawl hian petrol hmangah 103hp power leh 136.8Nm torque te a pechhuak thei a, CNG (Compressed Natural Gas), gas hmang an tih ang chiah chuan 87hp power leh 121.5Nm torque te a pechhuak thei thung.
Maruti Ertiga tharah hian a hmaa awm ang tho Maruti Smart Hybrid Technology a awm zui zel a, an 6-speed automatic gearbox hmang hoah hian paddle shifter a awm tel bawk a ni. Maruti Suzuki chuan a tui hehzawng lamah chuan manual gearbox hmang hoin petrol litre khatin km 20.51 a tlan thei a, automatic gearbox hmang hoin km 20.30 a tlan thei thung a ni. CNG hmang ho bik hian CNG kg khatin km 26.11 a tlan thei a ni.
Variant hrang hrang leh an thil neih te
2022 Maruti Suzuki Ertiga lo chhuak thar hian hmanraw changkang leh thil hrang hrang kentel a nei nual a.Variant hrang hrangin an kentel leh an thil neih te han en thliah thliah ila/
Maruti Suzuki Ertiga LXi (Rs Nuai 8.35 man), 1.5 petrol Manual transmission hmanga kan hmuh tur hrang hrang te chu – Projector Halogen headlamp, LED tail lamp, steel wheels with wheel covers, Dual-tone seat upholstery, 2nd-row one-touch recline and slide, Coloured TFT display in instrument cluster, Manual air conditioning, Cooled cup holders, Power windows, Tilt steering adjustment, Dual airbags, ABS with EBD and brake assist, ISOFIX anchorage, Rear parking sensors tihte ho a ni a. A variant hniam ber pawh hian a nei tha thawkhat viau a ni.
A dawt chiah Maruti Suzuki Ertiga VXi (Rs Nuai 9.49 – 10.99), 1.5 petrol MT, 1.5 petrol AT leh 1.5 CNG MT thungah chuan a hnuai chiahin a neih ho bakah Body-coloured wing mirrors with integrated turn indicators, Second-row arm rest, Adjustable headrests a tlar tinah, Second row roof-mounted AC vents, Remote keyless entry, Electrically adjustable and foldable wing mirrors, Bluetooth, AUX and USB connectivity, 4-speaker audio system, Steering mounted controls, Speed sensing auto door lock, Central locking, Paddle shifters (AT only), ESP (AT only) leh Hill hold (AT only) te a ni thung a ni.
A dawt leh Maruti Suzuki Ertiga ZXi (Rs Nuai 10.59 – 12.09 man inkar), 1.5 petrol MT, 1.5 petrol AT, 1.5 CNG MT ah chuan a hnuai chiahin a neih ho bakah Dual-tone 16-inch alloy wheels, Front fog lamps, Chrome tail gate garnish, Rear wiper and washer, 7.0-inch touchscreen infotainment system, Android Auto, Apple Carplay, “Suzuki Connect” connected features, 6-speaker audio system, Faux wood trim on dashboard & doors, Height adjustable driver’s seat, Front centre sliding armrest, Push start/stop button, Automatic air conditioning leh Rear defogger te a ni leh a ni.
A sang ber variant Maruti Suzuki Ertiga ZXi+ (Rs Nuai 11.29 – 12.79 man inkar), 1.5 petrol MT, 1.5 petrol AT-ah chuan a hnuai chiahin a neih ho bakah khan Automatic headlamps, Leather wrapped steering wheel, Cruise control leh Curtain airbags te a awm belh thung.
A elpui tur leh Maruti Suzuki lirthei chhuak hnai tur
Maruti Ertiga hian MPV dang – Kia Carens leh Mahindra Marazzo tihte ho a rawn el leh dawn a ni. Maruti lirthei chhuak hnai lamah chuan Maruti hian Ertiga bakah hian MPV huanga a chung chiaha awm, NEXA atanga hralhchhuah XL6 chu tlangzarh ve vat a tum a. Kawng tam takah Ertiga nen hian a inang dawn viau a ni. Hei bakah hian Baleno CNG, Vitara Brezza thar, dual jet hmang Ignis leh S-Presso te pawh a lo la chhuak dawn a. Hyundai Creta el thei tur midsize SUV Toyota nena tangkawpin an duang mek bawk a, hei bakah hian nakum lamah chuan India in a nghahhlelh Jimny pawh kan hmu tawh maithei bawk a ni.