Ram danga India sipai chin hrilh thin man

Delhi police chuan Inrinni khan ram dang intelligence agency hnena Indian army chet dan tur ruahmanna ril tak tak hrilh ru thin, kum 35 mi an man.
An mi man hi Punjab-a Tarn Taran khuaa mi, Harpal Singh a ni.
“Mahni ram chhiatna tur pawisak nei lo tura mi dangin an fuihpawrh pa chu foreign intelligence agency hnena thuruk ril tak tak a pek thin avangin man a ni. Indian Army awm zat, an chet dan, an awmna leh India leh India-Pakistan border-a BSF post leh bunker awmnate a lo hrilh thin,” tiin Delhi police officer-in a sawi.
An hmalakna tur atana sum mamawhte chu danin a phal loh ‘hawala channel’ hmangin an inpe kual thin.
Singh-a hian ram dang intelligence officer-te nen inkungkaihna an neih chungchang leh heng mite hnenah hian India sipaite chinchang a hrilh thin avangin dan lovin pawisa a dawng thin tih miten police-te an hrilh chu chhui nghalin farm machinery operator a ni tih an hre chhuak.
India leh Pakistan ramri hungnaah pawh hna a lo thawk tawh thin a, hemi tum hian chanchin thuruk leh document-te chu ramri pelin a rukin a thawn chhuak ta thin a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427