Real Madrid chhandamtu a che leh - Benzema bawkin a chakpui

Real Madrid tan striker Karim Benzema bawk a inlar a. Huntawp dawnah an chakna goal khungin Sevilla chu 3-2 in an lehthal a. La Liga inchuhna a hnehna pawimawh tak ni tur an chang.
Pathianni zana Estadio Ramón Sánchez-Pizjuán a inkhelah hian first half-ah Sevilla in Ivan Rakitic leh Erik Lamela te hmangin goal an khung a. An mualah hnehna chang a, Real nena an inkar tih zim theihna hun an nei.
First half-ah Sevilla an chungnung zawk a, referee Guillermo Cuadra chuan thutlukna sawihlawh siam a nei nual.
Real midfielder Eduardo Camavinga chu first half-ah Anthony Martial a foul avanga yellow card hmu nawn ngei tura ngaih a ni a. Second half-ah Vinicius Junior-a goal khung chu handball avangin a pawm lova, a endik hnuah pawh a thutlukna a sut lo.
Halftime zawha Camavinga thlaktu Rodrygop chuan inkhel a thlak danglam a, minute nga hnu lekah an goal khatna a khung a, minute 82-naah Nacho goal khung tura inrawlh bawkin minute 92-na a Benzema tauh goal tur a siamsak bawk.
French striker hian tun season-ah league goal 25 a khung tawh a, Real tana a khelh chhunga season khta league goal a khung hnem ber tum a ni.
Real tana goal khung Ncho chuan, “A pawimawh ber chu point thum a ni a, kan chak dan avangin a danglam em em chuang lo. League inchuhna a la nung. Mahse he mualah, he team lakah hian a awlsam ngai lova, second half-ah kan insiamtha.” tiin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427