Florida-a cheng pa pakhat chuan ‘Spider-Man: No Way Home’ chu vawi 292 a en hnu ah film en nasa ber record a siam, thai chhiata awm tawh chu a tungding leh.
Ramrio Alanis hian 2019 khan ‘Avengers: Endgame’ chu vawi 191 enin, film ngai en hnem ber record a lo siam tawh. Mahse, 2021 khan Arnaud Klein chuan ‘Kaamelott: First Installment’ chu vawi 204 enin, a record siam a thaitchhiatsak.
Guinness World Records thar nei leh tur hian Alanis-a’n darkar 720 (ni 30) hun a seng a, December 16, 2021 leh March 15, 2022 inkar khan ‘Spider-Man’ hi a en tluk tluk ta mai a ni.
A tir chawlhkar hmasa lamah hian record thar neih let leh a tum luahah nitin vawi 5 a en zak zak mai a, hemi atana movie ticket a senso zat hi $3,400 a ni a, thuneitute’n dan an siamah chuan film hi thil dang ti buai lovin en tur a ni, tih a awm. Chumi awmzia chu, Alanis hian chhin khat pawh a chhing thiang lova, phone hman phalsak loh a ni bakah film en phaha bathroom kal thlengin a remchang lo.
Peter Parker lema chang Tom Holland inlanna, ‘Spider-Man: No Way Home’ hi a lar vet vet hle a, tun thlengin khawvelpumah $Billion khat chuang a la lut tawh.