Aizawl : Nimin khan Lawngtlai leh Mamit-ah Fire & emergency services (F&ES), Deptt. leh I&PR Deptt tangkawpin thuthar thehdarhtute pualin kangmei laka himna leh invenna chungchang inzirtirna an buatsaih.
Lawngtlaiah chuan Fire station officer K. Lalmuanpuia’n kangmei chhuah theih dan hrang hrangte, chumi laka inven dan leh fim- khur dan turte, kangmei chhuah thulha hmalak dan tur leh F&ES hnathawh chungchanga hriattur pawimawh hrang hrangte a sawi a. Kangmei chi hrang hranga ṭhen a nih dan sawifiahin, kangṭhelhna (fire extinguisher) chi hrang hrang leh a hman dan te a taka entirin a sawifiah bawk.
Lawngtlai Fire station ah hian thawktu 10 (Station officer 1, Leading fireman 2, Fireman 3, Constable 2 leh Driver 2) an awm a. motor 2, tui litre 2800 dawng an kawl.
Mamit-ah Robert Lalrinsanga’n zirtirna a pe a. Leading fireman Lalngurthanga’n thawk tu indaihloh avanga harsatna an tawh thin a sawi. Fireman 6 leh driver 2 an awm mek.