MCL 2022 : Chanmarians Cricket Club hneh theitu an la awm lo

Mapuia Memorial Mizoram Cricket League 2022-ah Chanmarians Cricket Club in match li atangin ngam loh an la nei lova. Hnehna an la chang vek.
Thawhtanni a Suaka Cricket Ground a inkhelah Luangmual Cricket Club nen an inkhel a, Chanmarians CC hi wicket 9 in an chak.
Vuak hmasak thlang Luangmual CC in over 18 chhungin run 90 chiah an siam thei a. Chanmarians bowler Lalhruaitluanga Vuite chuan Luangmual tana run siam tam pahnih wicket a la a. Captain Bobby Zothansanga’n wicket thum a la ve thung.
Hnehna chang turin Chanmarians in an vuakin over 14.1 chauh an mamawh a. Batsman tawnhriat nei tha Lalhmangaiha chuan run 38 a siam a, opener pakhat zawk Lalhruaizela (15) out hnuah Saidingliana Sailo (29) nen a tawp thleng dingin an team an chakpui.
Chanmarians hian khelh li atang point 8 an hmu tawh a. Point hnihin league-ah hma an hruai mek.
Inkhel hnuhnungah tun season a inelna dang final a tum hnih intawng tawh Ramhlun Venglai CC leh Chhinga Veng CC an inkhel a. Ramhlun Venglai in run 19 in hnehna an chang.
Vuak thlang RVL tan captain Remruatdika Ralte chuan ball 34 atangin run 57 a siam a. Opener C. Vanlalhruaia chuan run 51 siam bawkin a tawp thleng a dinpui a. Reuben Lalhruaizela’n ball 17 atanga run 37 a siam a tangkai bawk a, over 20 chhungin run 156 an siam.
Chhinga Veng in target sang an umna kawngah an middle order atanga run 48 siam Sumit Lama an dinpui rei hleithei lova. An batsman th K. Vanlalruata chuan ball 15 atang run 28 siam mahse midangin an chhunzawm theih loh an tuar a, over 20-ah run 131 chiah an siam thei.
RVL tan Johan Lalbiakkima chuan wicket thum a la a, midang pali in wicket khat theuh an la. Anni hian khelh li atang point 6 hmu in pahnihna an hauh ve thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427