Afghan khawpui, Kabul-a thihchilh ni ngeia ngaiha mipa sikula bomb pahnih tihpuahah mi paruk an thi a, mi dang 11-in hliam an tuar tih thuneituten an sawi.
Khawpui khawthlang lam, Shia tamna hmuna Abdul Rahim Shahid high school-ah he thil hi thlengin thi leh hliam hi an pun ngei rin a ni.
A bul lawka tuition centre pawh grenade hmanga beih a ni bawk.
Tute mahin he thil thleng hi an tihah an la chhal lo va. Islamic State hel pawl chu helai hmunah hian an lo che fo tawh thung.
Muhammad Ali Jinnah Hospital, Kabul chuan ruang pali leh hliam tuar mi 19 an dawn tawh thu an sawi.
Thil thleng lai hmutu pakhat chuan zirlaite hi zing lam class la turin an kal khawm tan chiah laiin bomb hi a puak tih AFP news agency a hrilh.