Capping & Lamp Lighting Ceremony hmanpui

Aizawl: Apollo School of Nursing chuan nimin khan Tourist Lodge, Chaltlangah Capping & Lamp Lighting Ceremony an hmang a, Commerce & Industries Development Vice Chairman K Laldawngliana, MLA-in a hmanpui.
K Laldawngliana chuan nurse dinhmun pawimawhna leh thil dang zirlaite nen an inan loh thu a sawi a, nurse zir zoa thawk mekte pawhin an hna zahawmna hriaa tih tak zeta an tih a tul thu leh rawngbawlna rilru pua an thawh a tul hle tih a sawi.
Nurse zir thar turte chu zirlai ni ngawt loa, thiamna paw chhuaka, mi dangte malsawmna ni tura inzir chhuak ngei turin a chah.
Sorkar pawhin nurse zirna a ngaih pawimawh thu sawiin, General Nursing & Midwifery bakah Bsc Nursing zir tel theihna tur a awm belh zel theihna tura hma a lak thu a sawi.
He inkhawmah hian Managing Director Lalthanzama Vanchhawng-in inlawmna thu sawiin, Principal Lalhmingmawii’n Apollo School of Nursing dinhmun a sawi a, College of Nursing Principal Asst Professor C Lalramdini’n zirlai tharte lukhum khumtirin, khawnvar chhiin thutiam lakna hun hman a ni.
Apollo School of Nursing hi kum 2005 August thlaah din tan niin, thawktu 37 an awm mek a, tun dinhmunah zirlai 92 awm mekin he institution atanga zir chhuak tawh hi mi 374 an tling tawh a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427