Hawihhawm deuhin han bia i la, “Min ‘star’ emaw, min duh” an ti bawk si. Ngaihsak lo angin han awm i la, “Ve khanglang che chuan,” mi an ti bawk si.
Han in chei deuh i la, “A chu ti, kha ti” an ti ang leh lawi a. Han in chei lo lah in, “Tawp em mai” an ti thla nghal leh thuai a!
Han hnial i la, “Hnial hrat” an ti a, Ngawih han chuh ila, “A at hmel e, tihder a awl ngawt ang” an ti leh bawk.
Amah aiin han thiam zawk i la, “A fing phakar ngawt ang” tih kan hlawh a, An ni aiin han thiam lo zawk i la, ” Thiam lo em mai, mawl lutuk” tih a ni leh bawk.
Han duh lo i la, an thian kawmte hnenah tlawmlak thil thu in. “Chutiang kha tiang, chumi dinhmun kan tleng tawh, mahse a zakzum a, mi hmâah chuan a inlan ngam lo” tiin dawt an sawi bawk si.
Han duh i la, kan chunga thu neih nghal, mi control nghal mai an tum leh lawi bawk si.
Kan duh thu, action nen han lantir i la, “Kha kha ni mai, ka han chet deuh hlek chuan, ka rin aiin an lo awlsam phian mai,” an ti bawk a, Kan duh thu action nen han lantir dawn lo ila, ” Min hmangaih tak tak lo, Midang ‘bem’ i tum,” tih a ni leh a.
Engemaw harsatna avangin thu han râwn i la, “I chu ti, kha ti, i buai thlak em mai,” an ti a, Thu han rawn lo lahin, “Min va ring lo ve,” an ti leh bawk si.
Tlem in aw key sâng deuhvin han hau i la, “Min thunun te i tum vel e lo” tiin, Aw key sang deuhin min han hau se, “Thu tha a nia ka hrilh che,” a ti leh bawk.
Thutiam angin han awm lo i la, “Rinawm lo, thutiam pawh hlen lo,” tiin, Kan thutiam angin awm lo se, “Loh theih loh thil a awm vang a ni,” a ti leh bawk.
Shopping han kal i la, “Pawisa hman i chak lutuk” tih kan hlawh a, A pawisa han hmang ve se,” Khua a har em a,” an ti leh mai a.
Exam han pass i la, “Ka fuih nasa em che a, chuvang a nih kha,” tiin. Ani a han pass ve chuan, “Ka thiam vang, ka taimak vang,” ti leh daih mai.
Engemaw han tipalh hlek i la, “Khawngaihna i va nei lo em em ve,” tih ani a, Min han tihpalh ve hlek chuan, “Kha tiang mai mai a na awm lo em mai,” ti ta mai.
Pâwn chhuaha thil han ei dun chângin, ama pawisa a sen dawn chuan ei tam hlauvin, “Ei tam suh i thau lutuk ang e”. Ka pek tur a nih chuan, “Ei leh in thilah chuan insum miah loh tur,” a tirang hle.